Almaty ákimi Erbolat Dosaevtyń eýropalyq komısar Ianýsh Voısehovskıımen kezdesýinde aýyl sharýashylyǵy, ekologıa, týrızm, kólik jáne logıstıka salasyndaǵy saýda-ekonomıkalyq, ınvestısıalyq yntymaqtastyqty damytý múmkindikteri talqylandy, dep habarlaıdy Almaty-akshamy.kz.
Taraptar Almaty men Eýropalyq Odaq arasynda ózara qurmet pen senimge negizdelgen uzaq merzimdi berik áriptestik qurylǵanyn atap ótti. Eýropalyq Odaq Almatynyń negizgi saıası jáne ekonomıkalyq seriktesteriniń biri. EO elderinen tikeleı sheteldik ınvestısıanyń negizgi úlesi Nıderlandy, Belgıa, Fransıa, Germanıa, Italıa, Kıpr jáne Lúksembýrgke tıesili.
Kezdesý qorytyndysy boıynsha taraptar ekonomıkalyq damýdyń barlyq salasynda ekijaqty yntymaqtastyqty arttyrý týraly ýaǵdalasty.