Almatyda múgedekter arbasyndaǵy jolaýshyǵa nazar aýdarǵan №66 qalalyq marshrýttyń avtobýs júrgizýshisi Qanat Ahmetov megapolıs ákimi Erbolat Dosaevtyń atynan alǵys aldy, dep habarlaıdy aqshamnews.kz
Buǵan deıin ekoaktıvıst Evgenıı Muhamedjanov áleýmettik jelilerde múgedekter arbasyndaǵy jolaýshyǵa berilgen kótergishtiń kómegimen kólik quralyna kirýge kómektesken avtobýs júrgizýshisiniń meıirimdi jáne uqypty ekenine qalaı kýá bolǵany týraly áńgimelegen edi. Keıinirek bul jarıalanymǵa qala turǵyndary kóptegen jyly lebizder bildirdi.
Qala basshysynyń atynan júrgizýshige baǵaly syılyq pen Alǵys hatty tabystaǵan «Almatyelektrotrans»avtoparkiniń basshysy Aleksandr Beısembıev onyń kásibıligin jáne baýyrmaldyǵyn erekshe atap ótti.
Avtobýs júrgizýshisi Qanat Ahmetov qala basshysynyń óziniń isine nazar aýdarǵanyna jáne qala basshylyǵynyń jyly sózderine rızashylyǵyn bildirdi.
«Men óz jumysymdy tek nusqaýlyqta kórsetilgen is-qımyldy oryndaý jáne qoǵamdyq kólik júrgizýshisi qandaı bolýy tıis ekendigin túsiný arqyly jasadym. Biz jolaýshylardy tasymaldap qana qoımaımy, sonymen qatar kún saıyn adamdardyń qaýipsizdigi men jaılylyǵyna mán beremiz. Kez kelgen áriptesimniń osyndaı ıgi isti atqaratynyna senimdimin», - dedi Qanat Ahmetov.
Qanat Ahmetov tórt balany tárbıelep otyr, «Almatyelektrotrans» avtobýsynyń júrgizýshisi bolyp bir jylǵa jýyq jumys isteıdi.