Almaty ákimi Erbolat Dosaevtyń qala turǵyndarymen kezekti kezdesýi Áýezov aýdanynda ótti. Qala basshysy aýdannyń damýy jáne ótken jyly turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 200-den astam adam keldi, dep habarlaıdy Almaty-akshamy.kz.
Ótken jyly Áýezov aýdanynda oń damý dınamıkasyna qol jetkizildi. Jumys istep turǵan SHOB sýbektileriniń sany 22%-ǵa artyp, 45 myńdy qurady, negizgi kapıtalǵa salynǵan ınvestısıalar kólemi 9,7%- ǵa, 101 mlrd teńgege deıin ósti. Bul 9 myńnan astam jumys ornyn qurýǵa múmkindik berdi, onyń 4 myńnan astamy halyqty jumyspen qamtý ortalyǵy arqyly jumysqa ornalastyryldy.
Erbolat Dosaev Áýezov aýdany úshin eń ózekti máseleler ınjenerlik komýnıkasıalardy jańǵyrtý, jol jáne áleýmettik ınfraqurylymdy damytý, aýdannyń qoǵamdyq qaýipsizdigi men abattandyrylýyn qamtamasyz etý bolyp tabylatynyn atap ótti.
Ótken jyldyń maýsym aıynda qala ákiminiń tapsyrmasy boıynsha aýdannyń eń problemaly 4 ýchaskesinde sýmen jabdyqtaý jáne sý burý jelilerin salý jáne jańǵyrtý úshin jobalaý bastaldy: olar "Dostyq", "Mamyr-4" shaǵynaýdandary, Saın-SHalápın-Jandosov-Qarǵaly ózeni kósheleriniń qıylystary, sondaı-aq Arychnaıa, Ykylas, Zapadnaıa kósheleriniń ýchaskesi. Bul ýchaskelerde sý jáne káriz jelileri 1960-1970 jyldary salynǵan, olardyń tozýy 80%-dan asady. Jumystar aǵymdaǵy jyly bastalyp, 2024 jyly tolyǵymen aıaqtalady. Qaıta qurý 11 myńnan astam abonentti sapaly sýmen jáne kárizben qamtamasyz etýge múmkindik beredi.
Aýdanda jol ınfraqurylymyn damytý ózekti másele bolyp qala beredi. Ótken jyly uzyndyǵy 27 km 22 kóshege ortasha jóndeý júrgizildi, sondaı-aq jalpy aýdany 25 myń sharshy metr 75 kóshe ýchaskelerinde aǵymdaǵy jóndeý aıaqtaldy. Uzyndyǵy 6,8 km 33 ýchaskede trotýarlar jasaldy, bıyl taǵy 22 kóshe men uzyndyǵy 19 km 9 ótpeli joldy ortasha jóndeý josparlanýda.
Únemi sý basyp qalatyn oryndardyń problemasyn sheshý úshin ótken jyly TJ jelisi boıynsha aýdannyń 7 problemalyq ýchaskesiniń 5-eýi joıyldy. Qalǵan eki ýchaske boıynsha jumystar aǵymdaǵy jyldyń naýryz aıynyń sońyna deıin aıaqtalady.
Almaty ákiminiń tapsyrmasy boıynsha ótken jyly 167 aýla aýmaǵyna jóndeý jumystary bastaldy. Olardyń 30-y tolyq jóndeýden ótti. Qalǵan aýlalardy abattandyrý aǵymdaǵy jyldyń maýsym aıynda aıaqtalady.
Oqýshy oryndarynyń tapshylyǵyn azaıtý úshin ótken jyly eki mekteptiń qosalqy nysandary paıdalanýǵa berildi jáne «Dostyq» jekemenshik mektebi ashyldy, bul 400 oqýshy ornyn qurýǵa múmkindik berdi. Aǵymdaǵy jyly «Jaıly mektep» ulttyq jobasy aıasynda 600 oryndyq ǵımarat salý josparlanýda. Jyl sońyna deıin 4 mektepte seısmıkalyq kúsheıtý men kúrdeli jóndeý aıaqtalady.
Aýdan turǵyndaryn sapaly áleýmettik ınfraqurylymmen qamtamasyz etý maqsatynda ótken jyly 348 oryndyq 6 jeke menshik balabaqsha ashyldy. Aǵymdaǵy jyly «Altyn besik» shaǵynaýdanynda 120 oryndyq memlekettik balabaqsha salý josparlanýda. «Mektep avtobýsy» jobasy aıasynda bıyl 5 mektepke avtobýs bólinedi.
Ótken jyldyń maýsym aıynda "Mamyr-1" shaǵynaýdanynda medısınalyq qyzmet kórsetýdiń qadamdyq qoljetimdiligin qamtamasyz etý úshin aýysymyna 200 adam qabyldaıtyn otbasylyq-dárigerlik ambýlatorıanyń qurylysy bastaldy. Sondaı-aq, "Qýanysh" shaǵynaýdanynda №18 emhananyń jańa negizgi ǵımaratyn salý úshin bir aýysymda 300 adam qabyldaıtyn jer ýchaskesin satyp alý boıynsha jumys jalǵasýda.
Aýdanda qoǵamdyq qaýipsizdik máseleleri belsendi túrde sheshilýde. Beınebaqylaý júıeleriniń jelisin keńeıtý úshin 2022 jyly 359 beınebaqylaý júıesiniń kameralary ornatyldy. 2023 jyldyń I toqsanynyń sońyna deıin 700-ge jýyq jańa kamerany ornatýǵa arnalǵan mekenjaılardyń tizimi daıyndalady.
Ákimmen ótken turaqty kezdesýler barysynda turǵyndar jaıly qalalyq ortany damytý jóninde tilekterin bildirdi. Búginde zamanaýı qalalyq dızaınnyń jańa standarttaryn eskere otyryp, "Aqsaı" shaǵynaýdanyndaǵy saıabaq abattandyryldy ári ol turǵyndar jıi keletin orynǵa aınaldy. Aqpan aıynda Saıran kóliniń túbin shógindilerden mehanıkalyq tazartý jumystary bastalady. Jumystardy 2023 jyldyń mamyr aıynyń sońyna deıin aıaqtaý josparlanýda.
Aǵymdaǵy jyldyń qazan aıyna deıin Saın kóshesi boıyndaǵy 4 jerasty ótkel jóndeledi. Sondaı-aq, aýdannyń 5 jerústi ótkelin kúrdeli jóndeý úshin JSQ ázirlenýde.
Aýdannyń kelbeti men ekologıasyn jaqsartý úshin ótken jyly 3700 aǵash jáne 15 585 buta otyrǵyzylyp, 1150 apatty aǵashtar alynyp tastaldy. Aǵymdaǵy jyly 2 myń apatty aǵashty alyp tastaý jáne 20 myń aǵashty ótemdik otyrǵyzý josparlanýda.
«Halyq qatysatyn búdjet» baǵdarlamasy aıasynda ótken jyly aýdanda 23 joba iske asyryldy, nátıjesinde 17 qoǵamdyq keńistik quryldy, 4 shaǵyn jaıaý júrginshiler aımaǵy jabdyqtaldy jáne 2 avtosýarý júıesi ornatyldy. 2023 jyly aýdan turǵyndarynyń ótinimderi boıynsha 800 mln teńgege 16 jobany iske asyrý josparlanýda.
Almaty ákimimen kezdesý barysynda aýdan turǵyndary joldardy jóndeý, káriz, elektr jelilerin abattandyrý jáne t. b. máselelerdi kóterdi.