Almaty ákimi Erbolat Dosaevtyń ókimimen Almaty qalasy ákimi apparatynyń basshysy laýazymyna Beıbit Shahanov taǵaıyndaldy, dep habarlaıdy almaty-akshamy.kz
Beıbit Shahanov 1979 jyly týǵan. Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetin; Qazaq memlekettik zań ýnıversıtetin; Qazaq komersıalyq-qarjy akademıasyn; Lankaster ýnıversıtetin (Ulybrıtanıa) bitirgen.
Eńbek jolyn 2002 jyly QR Tabıǵı monopolıalardy retteý Agenttiginiń monopolıaǵa qarsy zańnamanyń saqtalýyn baqylaý departamentiniń jetekshi mamany qyzmetinen bastaǵan.
Ár jyldary Qarjy mınıstrliginiń, Bilim jáne ǵylym mınıstrliginiń, Qorshaǵan ortany qorǵaý mınıstrliginiń qurylymdyq bólimshelerinde basshylyq qyzmetter atqarǵan.
2015-2022 jyldary QR Ulttyq ekonomıka mınıstrliginiń, Investısıalar jáne damý mınıstrliginiń, Indýstrıa jáne ınfraqurylymdyq damý mınıstrliginiń qurylys, turǵyn úı-kommýnaldyq sharýashylyq jáne jer resýrstaryn basqarý isteri Komıtetinde jumys istegen.
2022 jylǵy maýsymnan bastap qazirgi taǵaıyndaýǵa deıin Almaty qalasy qurylys basqarmasynyń basshysy bolyp jumys istedi.