Bul týraly qujat jobasy Ashyq NQA portalynda jarıalandy
Joba elimizdegi balalar arasyndaǵy sýısıdtiń aldyn alý maqsatynda qolǵa alynbaq. Balalardy zorlyq-zombylyqtan qorǵaý, sýısıdtiń aldyn alý, olardyń quqyqtary men ál-aýqatyn qamtamasyz etý jónindegi 2023-2025 jyldarǵa arnalǵan «Bala qorǵaý» keshendi josparynan belgili boldy, dep habarlaıdy Almaty-akshamy.kz.
Munda Instagram, Facebook, WhatsApp, VKontakte platformalarynda kámeletke tolmaǵandardy zańdy ókilderdiń ruqsatynsyz tirkeýdi shekteý jóninde sharalar qabyldaý 2025 jylǵy 1 toqsanǵa josparlanǵany jazylǵan. Bul bastamaǵa Sıfrlyq damý, ınovasıalar jáne aeroǵarysh ónerkásibi, Aqparat jáne qoǵamdyq damý, Oqý-aǵartý mınıstrlikteri jaýapty bolady.
«Bala qorǵaý» keshendi josparyndaǵy málimetke sáıkes, elimizde jasóspirimder arasynda qylmystyq jaǵdaı kúrdelene túsken. 2021 jyly 1529 qylmys tirkelse, 2022 jyly oolardyń sany 12 paıyzǵa artyp, 1735-ke jetken. Mundaı quqyqbuzýshylyqtar, ásirese, Almaty qalasy, Batys Qazaqstan, Pavlodar, Mańǵystaý oblystarynda jıi tirkeledi.
Qujat jobasy 6 maýsymǵa deıin jarıa talqylaýda bolady.