Almatydaǵy OKQ-da ótken brıfıń barysynda megapolıs ákimi Erbolat Dosaev jýrnalıserdiń kósheni jaryqtandyrý jaǵdaıy, bul máseleniń qanshalyqty sheshilgeni jáne megapolıstiń barlyq kósheleri qashan jaryq bolatyndyǵy týraly suraqtaryna suraǵyna jaýap berdi.
Qala basshysy atap ótkendeı, ortalyqsyzdandyrý aıasynda aýdan ákimdikterine 198 myń jaryq núkteleri men olarǵa qyzmet kórsetý fýnksıalary berildi. Bul qysqa merzimde janbaıtyn jaryq núkteleriniń úlesin 47% - dan 25% - ǵa deıin tómendetýge yqpal etti.
Onyń aıtýynsha, Almatyda dıspecherlik pýnkt qurylyp, 39 qosymsha arnaıy tehnıka satyp alynyp, shtat 300 adamǵa deıin ulǵaıtyldy, bul 250-den astam jańa jumys ornyn ashýǵa múmkindik berdi, sol arqyly brıgadalar sany 40-qa jetti.
"2024 jyldyń sońyna deıin 1,6 mlrd teńgege 800 SHÝNO satyp alynady. Qosymsha 35 myń jaryqdıodty-jaryq tıimdiligi jaqsartylǵan jáne draıveri bar qazaqstandyq óndiristiń jaryq dıodty shamdary satyp alyndy, onyń ishinde búgingi kúni 26 myńnan astam birlik ornatyldy, bul jeliniń uzyndyǵy 12,8 km bolatyn buryn jaryqsyz 79 ýchaskeni syrtqy jaryqpen qamtamasyz etýge múmkindik berdi", - dedi Erbolat Dosaev.
Aıta keteıik, jyl basynan beri qaladaǵy kóshelerdi jaryqtandyrýdyń basym bóligi úshin "Almaty Qala Jaryq" Memlekettik komýnaldyq kásiporny jaýapty.
Buǵan deıin bul fýnksıalardy úsh kompanıadan turatyn jeke konsorsıým oryndaǵan: ABM-Building 2007 JSHS, "Elektroremont" JSHS jáne ABM-Project JSHS. Alaıda, jeke seriktes modernızasıa baǵdarlamasyn ıgere almady jáne onymen kelisim buzyldy.
Buǵan deıin habarlanǵandaı, 2024 jyly Almatyda syrtqy jaryqtandyrýdy modernızasıalaý boıynsha aýqymdy jumystar bastalyp, 2025 jyldyń sońyna qaraı qalanyń barlyq aýdandary tolyq jaryqtandyrylatyn bolady. Bul máseleni sheshý úshin ár aýdanda arnaıy jaryqtandyrý baǵdarlamalary ázirlendi. Eger jaryq núkteleri bir jerde jumysyn toqtatqan jaǵdaıda, turǵyndar Open Almaty jáne e-Otinish platformalary arqyly habarlasa alady. Mundaı ótinishter jedel qaralady.