Almatyda qaraýsyz qalǵan nysandardyń ornynda qala turǵyndaryna yńǵaıly bolý úshin kópdeńgeıli parkıngter paıda bolady.
Bul týraly Almaty ákimi Erbolat Dosaevtyń Medeý aýdany turǵyndarymen ótken kezdesýinde belgili boldy, dep habarlaıdy Almaty-akshamy.kz.
Kezdesýge qatysqan aýdan turǵyndary ákimge ózderin tolǵandyrǵan suraqtaryn qoıdy.
Medeý aýdany turǵynynyń suraǵy: men Samal-2 shaǵyn aýdanynda turamyn. Snegın kóshesinde 15 jyldan astam ýaqyt boıy kóp deńgeıli parkıng qaraýsyz qaldy. Ony ár túrli asosıaldy elementter, qańǵybas ıtter panalaýda. Bul turǵyndarǵa úlken qolaısyzdyq týdyrady. Úlken ótinish, ony buzyńyzdar nemese basqa máseleni qarastyryńyzdar.
«Biz bul máseleni sheshý joldaryn qarastyrýdamyz. Esterińizde bolsa, men qalada kóp deńgeıli parkıngterdi damytý boıynsha tapsyrma bergen bolatynmyn. Másele obektini satyp alý me onyń baǵasyna qatysty bolýda. Aǵymdaǵy jyly bizde qarjylyq múmkindikter bolmaıdy, biraq 2024 jylǵa arnalǵan búdjetti qalyptastyrý kezinde men turǵyndarǵa yńǵaıly bolý úshin olardy kópdeńgeıli parkıngterge aınaldyrý úshin satyp alýǵa nemese qurylysty aıaqtaýǵa bolatyn barlyq oryndardy qaraýǵa tıisti tapsyrma berdim. Samal boıynsha tapsyrma beremin: bul joba qanshaǵa baǵalanatynyn kóreıik. Sol jerde yńǵaılyq ári durys parkıng jasaý qarastyrylady. Siz durys baıqaǵansyz, eski kópdeńgeıli parkıng burynnan tur. Biz ony jasaı alamyz ba álde buzý kerek pe. Qarastyramyz», - dep jaýap berdi Almaty ákimi Erbolat Dosaev.