Almatyda Oqýshylar saraıyn modernızasıalaýdyń 2 kezeńi boıynsha qurylys-montaj jumystary júrgizilýde.
Bul týraly Medeý aýdanynyń ákimi Erbolat Dosaev Medeý aýdanynyń turǵyndarymen kezdesýde málimdedi, dep habarlaıdy Almaty-akshamy.kz.
«Modernızasıalaý aıasynda jylytý, jeldetý jáne kondısıonerleý, sýmen jabdyqtaý jáne káriz júıelerin aýystyrý, qýaty 1,4 mVt jańa transformatorlyq qosalqy stansıa salý jumystary júrgizilýde. Jumystar aǵymdaǵy jyldyń qazan aıynyń sońyna deıin aıaqtalady. Jańa teleskop pen lıft ornatylatyn observatorıada da jóndeý jumystary júrgiziledi. Jumystyń aıaqtalý merzimi – osy jyldyń jeltoqsan aıy», - dedi ákim.
Eske salsaq,, 2022 jyly skverdi abattandyrý jumystary aıaqtaldy. Syrtqy jaryqtandyrý aýystyryldy, jańa aǵashtar men butalar otyrǵyzyldy, kógaldandyrý júrgizildi, sýarý júıesi tartylyp, jabyndar tóseldi. Sondaı-aq jańa oryndyqtar men ýrnalar qoıylyp,sýburqaq salyndy.