Almaty ákimi Darhan Satybaldy Alataý aýdanynda jumys saparymen boldy. Qala ákimi Qarasý shaǵyn aýdanyndaǵy skverdiń, Boraldaı, Rahat-Mádenıet shaǵyn aýdandaryndaǵy taratý jelileriniń, Aqbulaq shaǵyn aýdanyndaǵy jaıly mekteptiń qurylysymen, sondaı-aq Momyshuly kóshesindegi jasyl aımaqtyń abattandyrylýymen tanysty, dep habarlaıdy aqshamnews.kz
Alǵashqy barǵan nysan Qarasý ózeni janyndaǵy alańy 12 myń sharshy metr bolatyn skver boldy. Joba aıasynda kógaldandyrý, amfıteatrdy, aryq ótkelin, art-nysandardy ornatý, sondaı-aq avtomatty sýarý jáne jaryqtandyrý júıeleri boıynsha jumystar júrgizilýde. Alataý aýdanynyń ákimi Talǵat Maılybaev baıandaǵandaı, abattandyrý jobasyn iske asyrý kezinde tabıǵı relefti saqtaýǵa jáne jaǵalaý aımaǵynyń ekologıalyq jaǵdaıyn jaqsartýǵa erekshe nazar aýdaryldy. Munda baspaldaqtar,parapetter, oryndyqtar men ýrnalar ornatý josparlanýda. Jumystardyń aıaqtalýy aǵymdaǵy jyldyń shildesine josparlanǵan.
Jumys sapary aıasynda Darhan Satybaldy «Boraldaı» jáne «Rahat-Mádenıet» shaǵyn aýdandaryndaǵy sý qubyry men kárizdiń taratý jelileri qurylysynyń barysymen tanysty. Osy jobalar boıynsha jumystar bekitilgen kestelerge sáıkes oryndalýda. Joba boıynsha «Boraldaıda» 4 myńǵa jýyq turǵyndy qamtıtyn 76 shaqyrymnan astam ınjenerlik jelilerdi salý qarastyrylǵan. Qurylys - montaj jumystaryn aıaqtaý 2025 jyldyń qarasha aıyna josparlanǵan. «Rahat-Mádenıette» jobany iske asyrý nátıjesinde (josparlanǵan kúni - aǵymdaǵy jylǵy 10 jeltoqsan) aýdannyń 14 myńnan astam turǵyny ortalyqtandyrylǵan sýmen jáne kárizben qamtamasyz etiletin bolady. Munda turǵyndardyń ótinishi boıynsha oıyn alańy paıda bolady.
Qala ákimi jumys sapary barysynda taǵy bir jerde – Aqbulaq shaǵyn aýdanyndaǵy «Jaıly mektep» ulttyq jobasy aıasynda salynyp jatqan 1500 oryndyq jańa mektep qurylysynda boldy. Nysan buzylǵan №154 mekteptiń ornyna 2024 jyldyń qyrkúıeginen bastap salynýda. Búginde jumystyń 90%-y aıaqtaldy. Mekteptiń ashylýy jańa oqý jylynyń bastalýyna josparlanǵan.
Nysanǵa barǵan kezde Darhan Satybaldy oryndalǵan jumystar sapasyndaǵy kemshilikterdi kórsetip, syrtqy abattandyrýdy, sondaı-aq mektep ishindegi árleý jumystaryn jaqsartýdy tapsyrdy.
Sondaı-aq, qala ákimine Momyshuly kóshesi boıyndaǵy alańy 4,5 myń sharshy metr bolatyn jasyl aımaqty abattandyrý jobasy kórsetildi. Jobada kógaldandyrylǵan, trotýar plıtkalary, kishi sáýlet pishinderi, art- nysandar ornatylǵan ári jaryqtandyrylǵan jaıly qoǵamdyq keńistik jasaý qarastyrylǵan. Demalys jáne synyptan tys jumystarǵa arnalǵan aımaqtardy uıymdastyrý josparlanýda. Jumystardyń aıaqtalýy osy jyldyń maýsym aıyna josparlanǵan. Ákimniń tapsyrmasy boıynsha barlyq jumystar biryńǵaı dızaın-kodqa sáıkes bolýy tıis.
Jumys saparynyń qorytyndysy boıynsha Darhan Satybaldy barlyq bastalǵan jobalar aıaqtalatynyn atap ótti jáne olardyń sapaly oryndalýyn qamtamasyz etýdi tapsyrdy. Qala ákimi jańa jáne qarqyndy damyp kele jatqan shaǵyn aýdandarda jaıly qoǵamdyq keńistikterdi qurý, olardy abattandyrý, ınjenerlik ınfraqurylymdy damytý jáne zamanaýı mektepter salý Almaty ákimdigi jumysynyń basym baǵyttary ekenin atap ótti.
