QR DSM «Óńirlerde medısına kadrlarynyń tapshylyǵyn tómendetý boıynsha qabyldanyp jatqan sharalar týraly» Jol kartasyn, sondaı-aq «Almaty qalasynda medısına kadrlarynyń tapshylyǵyn tómendetý boıynsha qabyldanyp jatqan sharalar týraly» Jol kartasyn iske asyrý maqsatynda 2021 jyldan bastap Almaty qalasynyń ákimdigi talap etiletin klınıkalyq mamandyqtar boıynsha dárigerlerdi rezıdentýrada oqytýǵa qarjy bólip keledi, dep habarlaıdy Almaty-akshamy.kz.
Qazirgi ýaqytta 2021 jyly oqýǵa túsken 108 maman rezıdentýrada oqýyn jalǵastyrýda. 2022 jyly 120 rezıdentti asa tapshy dárigerlik mamandyqtar boıynsha oqytýǵa jergilikti búdjetten 2-3 oqý jylynyń uzaqtyǵyna oraı qarjy bólindi. Mamandyqtar boıynsha granttardyń eń kóp sany rezıdentýraǵa anestezıologıa jáne reanımatologıa (2021 jyly – 35 oryn, 2022 jyly – 10 oryn), juqpaly aýrýlar (2021 jyly – 15 oryn, 2022 jyly – 8 oryn), pedıatrıa (2021 jyly – 6 oryn, 2022 jyly – 8 oryn), oftalmologıa boıynsha bólindi (2021 jyly – 6 oryn, 2022 jyly – 11 oryn).
2023 jylǵa qajetti mamandyqtar boıynsha rezıdentýraǵa 130 grant jáne «epıdemıologıa» mamandyǵy boıynsha magıstratýrada 10 oryn oqytý josparlanǵan.
Aǵymdaǵy jyldyń 24 tamyzynda rezıdentterdi daıarlaýǵa memlekettik bilim berý tapsyrysyn qalyptastyrý, bólý jáne ornalastyrý jónindegi konkýrstyq komısıanyń otyrysy ótkizildi. Bekitilgen qaǵıdaǵa sáıkes, konkýrstyq komısıanyń quramy Almaty qalasy ákiminiń ókimimen bekitilgen jáne jergilikti atqarýshy organnyń qyzmetkerlerinen, azamattyq qoǵam ókilderinen turady.
Almaty ákimdiginiń bilim berý grantyn taǵaıyndaý konkýrsyna qatysý úshin medısınalyq ýnıversıtetter túsý emtıhany boıynsha eń joǵary bal jınaǵan úmitkerlerdiń tizimin beredi. Aǵymdaǵy jyly konkýrsqa 284 úmitker qatysty. Konkýrstyq komısıanyń sheshimi boıynsha Almaty ákimdiginiń grantyna 120 qatysýshy ıe boldy.
Bilim berý grantynyń ıegerimen Almaty qalasynyń medısınalyq uıymdarynda tıisti mamandyq boıynsha 5 jyl jumysty óteý týraly rezıdenttiń mindetteme tarmaǵymen úsh jaqty shart jasalady.
Rezıdentter tizimimen tómendegi silteme arqyly tanysa alasyzdar