Almaty ákimdigi 2024 jyly sybaılas jemqorlyqtyń aldyn alý jáne oǵan qarsy is-qımyl jónindegi kórsetkishterdi jaqsartty
Almaty ákimi Erbolat Dosaevtyń tóraǵalyǵymen Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Arman Rahımovtyń qatysýymen Sybaılas jemqorlyqqa qarsy is-qımyl máseleleri jónindegi Almaty qalalyq komısıasynyń keńeıtilgen otyrysy ótti, dep habarlaıdy aqshamnews.kz
Jıynda sybaılas jemqorlyqtyń aldyn alý jáne aldyn alý boıynsha jergilikti atqarýshy organdardyń 2024 jylǵy qyzmetiniń nátıjeleri, sondaı-aq sport salasyndaǵy sybaılas jemqorlyq táýekelderin syrtqy taldaý qorytyndysy qaraldy.
Qabyldanyp jatqan sharalar sheńberinde ákimdik 2024 jyldyń basynan bastap qala ákimi apparatynda, aýdandyq ákimdikterde, basqarmalarda jáne kvazımemlekettik sektor sýbektilerinde sybaılas jemqorlyq táýekelderine ishki taldaý júrgizdi. Sondaı-aq, «sybaılas jemqorlyq kartogramsy» bólimi jańa talaptarǵa sáıkes keltirilgen. Sybaılas jemqorlyqqa qarsy mádenıetti qalyptastyrý maqsatynda memlekettik qyzmetshiler úshin biliktilikti arttyrý kýrstary jáne onlaın-oqytý ótkizildi.
2024 jyldyń basynan bastap qabyldanǵan sharalar aıasynda ákimdik apparatynda, aýdandyq ákimdikterde, basqarmalar men kvazımemlekettik sektor sýbektilerinde sybaılas jemqorlyq táýekelderine ishki taldaý júrgizildi. «Sybaılas jemqorlyq kartogramsy» jańa talaptarǵa sáıkestendirildi. Memlekettik qyzmetshiler arasynda sybaılas jemqorlyqqa qarsy mádenıetti qalyptastyrý maqsatynda biliktilikti arttyrý kýrstary men onlaın oqytý uıymdastyryldy.
Sybaılas jemqorlyqqa qarsy is-sharalardy iske asyrýdyń oń serpinin eskere otyryp, kvazımemlekettik sektor sýbektilerin ishki taldaýmen qamtý 54-ten 80-ge deıin keńeıtiledi.
«Departament pen ákimdik qabyldaǵan sharalardyń arqasynda sybaılas jemqorlyqtyń aldyn alý jáne oǵan qarsy is-qımyl kórsetkishteri ótken jyldarmen salystyrǵanda aıtarlyqtaı jaqsardy. Ákimdiktiń halyqty erte habardar etýge arnalǵan Mass Alert, «Áleýmettik ámıan» jáne «Sıfrlyq vaýcher» jobalary joǵary baǵalandy», – dedi Departament basshysy Arman Rahımov.
Sonymen qatar, syrtqy taldaý nátıjeleri boıynsha sport salasyndaǵy sybaılas jemqorlyq táýekelderin joıý sharalary qabyldandy. Sport ınfraqurylymyn, onyń ishinde múmkindigi shekteýli jandarǵa arnalǵan nysandardy salýǵa, buqaralyq sport pen joǵary jetistikter sportyn damytýǵa basa nazar aýdaryldy.
«Birlesken kúsh-jigermen sybaılas jemqorlyq táýekelderin joıýda aıtarlyqtaı nátıjege qol jetkizdik. Sybaılas jemqorlyqtyń aldyn alý jáne oǵan qarsy is-qımyl jónindegi jumys mańyzdy baǵyt, bul kelesi jyly da jalǵasyn tabady», – dedi Erbolat Dosaev.
Qalanyń basshysy jıyn qorytyndysy boıynsha jobalardy júzege asyrýdy muqıat qadaǵalaýdy jáne sybaılas jemqorlyq táýekelderin azaıtý boıynsha jumysty jalǵastyrýdy tapsyrdy.
Aıta keteıik, birinshi jartyjyldyq qorytyndysy boıynsha Almaty «Sybaılas jemqorlyqtyń aldyn alý jáne oǵan qarsy is-qımyl» ÚBB is-sharalaryn iske asyrý reıtıńisinde el boıynsha birinshi oryndy ıelendi.