Almatynyń Sıfrlandyrý basqarmasynyń basshysy Baıan Qońyrbaev Óńirlik komýnıkasıalar qyzmetiniń brıfıńinde qalany sıfrlandyrý jónindegi bolashaq jobalardy tanystyrdy dep habarlaıdyA lmaty-akshamy.kz
Qońyrbaevtyń aıtýynsha, Almaty sıfrlandyrý qarqyny boıynsha TMD men Shyǵys Eýropanyń kóshbasshy qalalarynyń qataryna kiredi: bizdiń megapolıs Máskeýden keıin «aqyldy» qalalar reıtıńinde ekinshi, al IDC reıtıńindegi sıfrlyq jetilý deńgeıi 2,7 baldy quraıdy.
- Sıfrlandyrý týraly aıtqanda,prosester «Almaty-2050» jáne «Sıfrlyq Qazaqstan» baǵdarlamalarynyń strategıalyq maqsattaryna sáıkes kelýi tıis ekenin túsingen jón. Biz qalany sıfrlandyrýmen qatar, turǵyndar úshin jaıly jaǵdaı jasaýǵa tyrysamyz. Bizdiń basqarma «aqyldy» qalanyń 11 salasyn qamtı otyryp, túrli memlekettik organdar usynǵan 17 sıfrlyq ofıserdi bekitti, - dep atap ótti Qońyrbaev.
Aıta keterligi, Almatyda biryńǵaı derekter bazasy, sıngapýrlyq Smart City modeli boıynsha birqatar jobalar iske asty. Atalǵan AT-platforma memlekettik organdarǵa ózara derektermen dereý almasýǵa múmkindik beredi.
Máselen, 2021 jyly qalany Sıfrlandyrý basqarmasynyń jumysyndaǵy basty baǵyt – Biryńǵaı komýnıkasıalyq keńistik qurý, qala qyzmetine AT-keńesti tartý jáne qoldanbaly formattta ýnıversıtettermen ózara is-qımyldy qalyptastyrý boldy, - dep pikirimen bólisti Qońyrbaev.
Jalpy, negizgi ıdeıa – barlyq bilim berý mekemelerin, tehnoparkterdi, akseleratorlar men AT-kompanıalardy tikeleı baılanysty qamtamasyz etetin bir platformaǵa biriktirý. Biryńǵaı komýnıkasıalyq keńistik – bul AT bıznes, AT talanttar jáne bilim berý klasteri úshin bir tereze. Qazirdiń ózinde platformada 1800 AT-talant, 17 AT-kompanıa tirkelgen, 18 bos jumys orny ornalastyrylǵan, 47 bilim berý kýrstary bar.
Baıan Qońyrbaev tamyz aıynda jumysqa ornalasý múmkindigimen tegin oqytý boıynsha Home Credit University IT HUB-pen pılottyq joba iske qosylǵanyn, sondaı-aq «Jobalyq menedjment» quzyreti boıynsha Sberbank jáne BTS Digital-men birlesip Jumys Bar ekinshi pılottyq jobanyń iske qosylǵanyn eske saldy.
Sıfrlandyrý basqarmasynyń basshysy Almatynyń jergilikti AT-mamandardy qalaı qoldaıtynyn da aıtty.
- Almaty ákimdigi Astana Hub-pen birlesip Smart City tujyrymdamasy boıynsha qalalyq qyzmetterdiń jumysyna ınovasıalyq jáne sıfrlyq sheshimderdi engizý maqsatynda startaptar úshin akselerasıa baǵdarlamasyn iske qosty, - dep habarlady ol. – Baǵdarlama qalanyń tynys-tirshiliginiń negizgi baǵyttary boıynsha ınfraqurylymdy damytýǵa eleýli yqpal ete alatyn startaptardy qoldaýǵa baǵyttalǵan. Qazirgi ýaqytta jergilikti atqarýshy organdardyń ókilderi men startaperler arasynda bolashaq jobalardy pılottaý máseleleri boıynsha jumys júrgizilýde.
Baıan Qońyrbaev Almatynyń klasterlik damýy aıasynda qalalyq AT-kompanıalar ornalasatyn aýdandyq AT-habtar jobasynyń iske asyrylyp jatqanyn habarlady. Sondaı-aq, jeke ınvestorlardyń qoldaýy arqasynda qalada fransýz baǵdarlama mektebiniń ECOLE 42 -Academie ONE Informatique modeli boıynsha jańa býyn baǵdarlamalaý mektebi qurylýda.
Bulardan ózge, qala ákimdigi AT-kásipkerlerdi júıeli qoldaý úshin kezeńmen granttar bóledi.