Almaty ákimdiginiń qyzmetkerleri «Qazaqstan halqyna» qoryna bir kúndik jalaqysyn aýdardy. Bul týraly Almatynyń tynys-tirshiligin qalpyna keltirý jónindegi qalalyq shtabtyń otyrysynda qala ákimi Baqytjan Saǵyntaev aıtty, dep habarlaıdy Almaty-akshamy.kz.
«Memleket basshysy Qasym-Jomart Toqaevtyń 11 qańtarda Qazaqstan Respýblıkasynyń Parlamenti Májilisi otyrysynda bergen tapsyrmasyn oryndaý aıasynda «Qazaqstan halqyna» qory qurylyp, qor basshysy taǵaıyndaldy. Osyǵan baılanysty Almaty qalasy ákimdigi qyzmetkerleri «Qazaqstan halqyna» qoryna bir kúndik jalaqysyn aýdarýǵa sheshim qabyldady», – dedi qala ákimi.
Almatynyń tynys-tirshiligin qalpyna keltirý jónindegi qalalyq shtabtyń otyrysyn tómendegi siltemeden kóre alasyzdar.