Almaty ákimdigi zardap shekkender men evakýasıalanǵandardy qoldaýdyń barlyq sharalaryn kórsetýde.
Jedel túrde ýaqytsha baspana berildi, tamaqtaný uıymdastyryldy, qajetti medısınalyq jáne psıhologıalyq kómek tolyq kólemde kórsetiledi, dep habarlaıdy Almaty-akshamy.kz.
Qala ákimi Erbolat Dosaevtyń tapsyrmasy boıynsha ákimdik qaza tapqandardyń denelerin kórsetilgen jerlerge, onyń ishinde elimizdiń basqa óńirlerine tasymaldaýǵa járdemdesetin bolady. Budan basqa, jerleý prosesin qosa alǵanda, Almaty qalasynyń aýmaǵynda jerleýdi uıymdastyrýǵa járdem tolyq kórsetiledi.
Jerleýdi uıymdastyrý máseleleri boıynsha qaza tapqandardyń týystary myna baılanys nómirlerine júgine alady: + 7 707 779 07 08, +7 777 312 08 08.
Almaty ákimdigi órt saldarynan qaza tapqandardyń týystary men jaqyndaryna shyn júrekten kóńil aıtady.