Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Belgradqa resmı sapary barysynda Serbıa Respýblıkasynyń Prezıdenti Aleksandr Výchıchtiń qabyldaýynda boldy.
Kezdesý barysynda Serbıa memleketiniń basshysy A. Výchıch ekijaqty ózara is-qımyldyń joǵary deńgeıin, asa joǵary jáne joǵary deńgeılerde ornyqty saıası dıalogty damytýdy, sondaı-aq eki eldiń ekijaqty formatta da, halyqaralyq qurylymdar sheńberinde de tıimdi ózara is-qımylyn qanaǵattanýshylyqpen atap ótti, dep habarlaıdy Almaty-akshamy.kz.
QR SİM basshysy M. Nurtileý Serbıa Prezıdentine Qazaqstan Prezıdenti Qasym-Jomart Toqaevtyń izgi tilekteri men jyly lebizderin jetkizip, Memleket basshysynyń kelesi jyly Astanaǵa saparmen kelýge shaqyrǵanyn aıtty.
Qazaqstandyq dıplomat suhbattasyn óziniń serb áriptesimen ótken kelissózder jóninde, onyń barysynda jan-jaqty baılanystardy jandandyrý boıynsha ýaǵdalastyqtarǵa qol jetkizilgeni týraly habardar etti.
«Astana men Belgradtyń ortaq múddelerge negizdelgen senimdi qarym-qatynastarmen maqtanýǵa tolyq negiz bar», – dedi M. Nurtileý.
Suhbattastar eki eldiń áskerı-tehnıkalyq salada, aýyl sharýashylyǵy, kólik jáne logıstıka, týrızm, bilim berý jáne mádenıet salalarynda yntymaqtastyq perspektıvalarynyń bar ekenin atap ótti.
Kezdesý barysynda sondaı-aq jahandyq jáne óńirlik qaýipsizdiktiń ózekti máseleleri týraly pikir almasý ótti.