Búgin Almatyda jańa medısınalyq kólikti saltanatty túrde tabystaý ótti. 55 jedel járdem kóliginiń kiltin qala ákiminiń orynbasary Ásem Núsipova tabys etti.
Turǵyndarǵa shuǵyl medısınalyq kómek kórsetýge arnalǵan jergilikti búdjetten satyp alynǵan «V» klasyna sáıkes keletin sanıtarlyq avtokólikter álemdik brendterdiń zamanaýı medısınalyq jabdyǵymen jabdyqtalǵan: reanımasıalyq jabdyqtar, defıbrıllátorlar, elektrokardıograftar, jasandy tynys alý apparattary jáne t.b.
Almaty qalasynda jedel medısınalyq kómekti, ýaqtyly qoljetimdilikti eskere otyryp, Jedel medısınalyq járdemniń geografıalyq jaǵynan yńǵaıly ornalasqan 12 qosalqy stansıasy kórsetedi. 55 kólik barlyq aýdandyq qosalqy stansıaǵa taratylady. Bul medısınalyq kómektiń sapasy men tıimdiligin arttyratyny sózsiz.
Almatyda kún saıyn jelide 186 jedel járdem brıgadasy jumys istep, 3 myńǵa jýyq shaqyrtýǵa qyzmet kórsetedi.
2023 jyldyń sońynda jedel járdem brıgadalary 1 mıllıonnan astam shaqyrýdy qabyldady. Qońyraýlardyń 93%-y 1-3 sanat boıynsha ýaqtyly kelýmen qamtamasyz etilgen.
- 2023 jyldyń sońynda jedel járdem kóliginiń tozýy 69 paıyzdy qurady.
- Satyp alynǵan jańa kólikti esepke alǵanda, búginde tozý 46%-dy quraıdy.
- Kóliktiń tozý paıyzyn tómendetý maqsatynda bıyl taǵy 48 jedel járdem kóligin satyp alý josparlanǵan.
- Almaty qalasy ákimdigi jedel medısınalyq kómekti damytýǵa erekshe kóńil bólip otyr.
Osylaısha, 2023 jyly ákimdik jergilikti búdjetten qarajat bólip, sıfrlandyrýǵa arnalǵan jabdyqtar men baǵdarlamalyq qamtamasyz etýdi, sımýlásıalyq ortalyqtyń jabdyǵy men úlgilerin satyp alýǵa, qyzmetkerlerdi nysandy kıimmen qamtamasyz etýge, medısınalyq qural-jabdyqty (dıstansıondyq EKG, ottegi ıngalátory) satyp alýǵa múmkindik berip, qarjylyq lızıń baǵdarlamasy boıynsha satyp alynǵan sanıtarlyq avtokólikterge ýaqtyly tehnıkalyq qyzmet kórsetý júzege asyryldy.
2024 jylǵa 4 qosalqy stansa qurylysynyń jobalyq qujattamasyn ázirleý jáne 3 qosalqy stansaǵa kúrdeli jóndeý jumysyn júrgizý josparlanǵan.
Jalpy, jedel járdem qyzmetin damytýdyń 2028 jylǵa deıingi tujyrymdamasyna sáıkes, turǵyndardyń tyǵyzdyǵy men qalanyń damýyn eskere otyryp, 12 jańa qosalqy stansa salý josparlanǵan.