Bul áleýmettik turǵyda akademıa tyńdaýshylarynyń múmkindigi shekteýli azamattarmen is-qımyl algorıtmin qurýlaryna múmkindik beredi.
QR İİM M.Esbolatov atyndaǵy Almaty akademıasy – “KZ-2050 Ulttyq jobalaý keńsesinde” jobalyq menedjmentti damytý jobalaryn júzege asyryp jatqan jalǵyz oqý orny.
Memleket basshysy Qasym-Jomart Toqaevtyń polısıany baǵalaý ólshemderin túbegeıli ózgertý, polısıa qyzmetiniń servıstik modelin odan ári damytý jónindegi mindetterin oryndaý barysynda İshki ister mınıstriniń tapsyrmasymen M.Esbolatov atyndaǵy Almaty akademıasynda bıyldan bastap birinshi ret múmkindigi shekteýli jandarǵa kómektesý maqsatynda ymdaý tilin úıretýdi kózdegen jańa keıs ashyldy, dep habarlaıdy Almaty-akshamy.kz Polisia.kz-ke silteme jasap.
Sebebi qyzmettik mindetterin atqarý barysynda polısıa qyzmetkerleri ymdaý tiline muqtaj jandarmen de jıi betpe-bet keledi.
Sondyqtan da akademıanyń oqý prosesine ymdaý tilin oqytý baǵdarlamasy engizilip, búginde kýrsanttarǵa múmkindigi shekteýli adamdarmen qarym-qatynas jasaýǵa múmkindik beretin sabaqtar ótkizilýde.
Olarǵa eń aldymen, “Qaıyrly kún”, “Sálemetsiz be?”, “Qujattaryńyzdy kórsetińiz”, “Sizge qandaı kómek kerek?” degen sıaqty sózderdi ymmen túsindirý úıretildi.