106-toptyń kýrsanty Elýbaı Myrzabek Ǵylym qyzmetkerleri kúnine jáne akademık Qanysh Sátbaevtyń 125 jyldyǵyna arnalǵan joǵary oqý oryndarynyń arasynda ǵylymı-praktıkalyq konferensıada óziniń bilimimen jáne sóz sóıleýimen tań qaldyrdy.
İs-shara Halyqaralyq ınjenerlik-tehnologıalyq ýnıversıtette ótti, dep habarlaıdy Almaty-akshamy.kz Polisia.kz-ke silteme jasap.
«Barlyq qatysýshylardyń arasynda eń jas bolsa da, Elýbaı Myrzabek konferensıanyń basqa qatysýshylary úshin laıyqty básekeles boldy, ǵylym men bilim berýdegi ınovasıalyq tehnologıalardyń róli týraly óz jumysyn usynyp, úshinshi orynǵa ıe boldy», – dedi Qazaqstan Respýblıka İİM Maqan Esbolatov atyndaǵy Almaty akademıasy bastyǵynyń orynbasary Erjan Bımoldanov.
Bul konferensıaǵa akademıanyń “CiberPol” ǵylymı-zertteý úıirmesi aıasynda Elýbaı Myrzabekten basqa Mádı Mustafa, Nurjan Orysbaı, Kamılla Abdýlına, Aıdyn Begaly qatysty, olardyń talanttary men perspektıvalaryn sarapshylar elep, sertıfıkat tabystady.
«Bizdiń kýrsanttar kıberqaýipsizdik jáne aqparattyq tehnologıalar salasyndaǵy tereń bilimderin ǵana emes, sonymen qatar kópshilik aldynda dáleldi sóıleı biletindikterin kórsetti. Olardyń jas ǵalymdar men óz isiniń mamandary retinde jarqyn bolashaǵy bar ekenine senimdimiz», – dep atap ótti Erjan Bımoldanov.