Almaty akademıasynyń bastyǵy Arman Saıtbekov Koreıa Respýblıkasy KENGIDO provınsıasy polısıa departamentiniń bastyǵy Lı Mýnsýmen kezdesti.
Memleket basshysy Qasym-Jomart Toqaev Qazaqstan halqyna “Halyq birligi jáne júıeli reformalar – el órkendeýiniń berik negizi” atty Joldaýynda ishki ister organdarynyń qyzmetine qatysty birqatar naqty tapsyrma bergen bolatyn. Sonyń biri ári aýqymdysy – polısıa qyzmetiniń jańa tásili. Osyǵan oraı ishki ister mınıstriniń tapsyrmasy boıynsha 2023 jyldyń 7 maýsymynda Qazaqstan Respýblıkasy İİM Almaty akademıasynyń bastyǵy A.Saıtbekov Koreıa Respýblıkasy KENGIDO provınsıasy polısıa departamentiniń bastyǵy Lı Mýnsýmen kezdesý ótkizdi, dep habarlaıdy Almaty-akshamy.kz.
Polisia.kz taratqan aqparaty boıynsha, eki respýblıkanyń polısıa qyzmeti jaıly kezdesý barysynda Saıtbekov qazaqstandyq taraptan ishki ister organdary úshin kadrlar daıarlaý, quqyq buzýshylyqtardyń aldyn alý jáne kıberqaýipsizdikti qamtamasyz etý boıynsha tájirıbe almasý asa mańyzdy ekenin atap ótti. Sonymen qatar, kezdesý barysynda Koreıa Respýblıkasy polısıasynyń tıimdiligin baǵalaý krıterııleri, onyń polısıa qyzmetiniń servıstik modeli sheńberinde azamattyq qoǵammen jáne BAQ-pen ózara is-qımyly máseleleri de talqylandy.
Kezdesý sońynda taraptar eki el arasyndaǵy polısıa kadrlaryn daıarlaýdaǵy yntymaqtastyqty odan ári damytý máselelerin talqylady.
«Sheteldik ozyq tájirıbe bul proseske daıyndyq túrli servıstik elementterdi testileýden bastalatynyn kórsetip otyr. Sondyqtan biz qaýymdastyqty, sondaı-aq túrli salalardyń jetekshi mamandaryn tarta otyryp, elimizlegi polısıa qyzmetine qaýipsizdik problemalaryn anyqtaý jáne sheshý maqsatynda polısıanyń qoǵammen, jergilikti bılik organdarymen tize qosyp, bir baǵytta jumys isteýmen jandandyramyz», – dedi A.Saıtbekov.