Ótken jyly İİM M.Esbolatov atyndaǵy Almaty akademıasynda elimiz egemendik alǵan 30 jyldyń ishinde qyzmet babynda qaza tapqan akademıa túlekterine arnalǵan eskertkish ashylǵan bolatyn.
Memorıaldy eskertkishtiń tas tuǵyryna 32 polısıa qyzmetkeriniń esimi qashalyp, eskertkishtiń eki qanatyna olardyń sýretteri qoıylǵan. Otan qorǵaýshylar kúni qarsańynda osy eskertkish-alleıaǵa akademıanyń qaza tapqan túlekteriniń rýhyna arnap 32 aq qaıyń otyrǵyzyldy, dep habarlaıdy Almaty-akshamy.kz Polisia.kz-ke silteme jasap.
Atalǵan is-sharaǵa alǵashqy kásibı daıarlyq kýrsynyń tyńdaýshylary qatysyp, “Qyzmettik mindetterin atqarý kezinde qaza tapqan akademıa túlekterine” arnalǵan memorıalǵa gúl shoqtaryn qoıdy. Aq qaıyńdar aleıasyn ashý kezinde akademıa bastyǵy A.Saıtbekov sóz sóıledi.
«Qazaqstan polısıasynyń 30 jyldyǵy qarsańynda ashylǵan bul eskertkish halyq tynyshtyǵy úshin qurban bolǵan áriptesterimizge degen qurmet bolatyn. Memorıaldy eskertkish tasqa esimderi jazylǵan polısıa qyzmetkerleri – ómirleriniń sońyna deıin Otan aldynda qabyldaǵan anttaryna adaldyq tanytqan beıbit kúnniń batyrlary. Olardyń erlik isteri bolashaq ofıserler úshin erlik pen adaldyqtyń úlgisi. Búgingi otyrǵyzylǵan aq qaıyńdar batyr da batyl áriptesterimizdiń rýhyna degen taǵy bir úlken qurmet jáne bolashaq polısıa qyzmetkerleri tárbıeniń bir kórinisi», – dedi M.Esbolatov atyndaǵy Almaty akademıasynyń bastyǵy A.Saıtbekov.
Aq qaıyń otyrǵyzý jumysyna akademıa qyzmetkerlerimen birge tyńdaýshylar da belsendi túrde at salysty. Bul saltanatty is-shara ishki ister organdaryna alǵash kirgen tyńdaýshylardyń qoǵamdyq ómirge belsendi qatysýǵa, salaýatty ómir saltyn ustanýǵa, jalpy mádenı jáne kásibı oı-órisin damytýǵa yqpal ete otyryp, olardyń moraldyq, iskerlik jáne kásibı qasıetterin ushtaıtyny anyq. Saltanatty jıyn sońynan akademıa bastyǵy jas qyzmetkerlermen, tyńdaýshylarmen estelikke fotosýretke tústi.