«Inklúzıvti Almaty 2025-2030»: qalada erekshe qajettilikteri bar adamdardy qoldaýdyń jańa tujyrymdamasy ázirlenýde, dep habarlaıdy aqshamnews.kz
Almatyda «Inklúzıvti Almaty 2025-2030» qalalyq tujyrymdamasy belsendi túrde ázirlenýde. Bul týraly qalalyq jumyspen qamtý jáne áleýmettik baǵdarlamalar basqarmasy habarlady.
Tujyrymdama erekshe qajettilikteri bar adamdardy qoldaýdyń turaqty júıesin qurý boıynsha ákimdik qyzmetiniń barlyq baǵyttaryn biriktiredi. Baǵdarlama qalany damytýdyń uzaq merzimdi strategıasynyń basymdyqtaryn eskere otyryp ázirlendi jáne teń múmkindikterdi qamtamasyz etýge, sondaı-aq osy sanattaǵy azamattardy qala ómiriniń barlyq salalaryna tolyqqandy engizýge baǵyttalǵan.
Sondaı-aq, aǵymdaǵy jyly 32,5 myń qalalyq ınfraqurylym obektilerin pasporttaý josparlanýda. Bul prosesti avtomattandyrý úshin naqty ýaqyt rejıminde obektilerdi pasporttaý men beıimdeý barysyn jedel baqylaýǵa múmkindik beretin mobıldi platforma quryldy.
Budan basqa, 2030 jylǵa deıin erekshe qajettilikteri bar adamdar úshin qalalyq ınfraqurylymnyń 3,1 myń áleýmettik obektilerin kezeń-kezeńimen beıimdeý josparlanǵan
Aıta keteıik, Almaty qala ákimi Erbolat Dosaevtyń tapsyrmalary aıasynda qabyldanyp jatqan sharalardyń arqasynda Qazaqstanda ınklúzıvti orta qurý boıynsha kóshbasshy orynda tur. Erekshe qajettilikteri bar adamdardy qosa alǵanda, halyqtyń mobıldiligi tómen toptary úshin kedergilerdi joıýǵa jáne quqyqtardyń teńdigin qamtamasyz etýge basty nazar aýdarylady.