Poıyz 26 sáýirde jolǵa shyǵyp, 6 jeltoqsanǵa deıin qatynaıdy.
«Qazaqstan temir joly» kompanıasynyń málimetinshe, poıyz baǵyty medısınalyq kabınetteri joq aımaqtardy qamtıdy. Densaýlyq poıyzdary eń shalǵaıdaǵy stansalardyń turǵyndaryna joǵary bilikti medısınalyq kómek alýǵa múmkindik beredi, dep habarlaıdy Almaty-akshamy.kz QazAqparatqa silteme jasap.
Máselen, ótken jyldyń qorytyndysynda 150-ge jýyq stansanyń 80 649 turǵyny emdeý-konsýltasıalyq qyzmet aldy, onyń ishinde 21 867 bala bar. 5 097 adamǵa shaǵyn ota jasalyp, 26 587 adamǵa stomatologıalyq kómek kórsetildi. Sonymen qatar, medısınalyq poıyz mamandary 59 balany súndettedi.
«Bıyl shalǵaıdaǵy stansa turǵyndary terapevt, stomatolog, oftalmolog, lor, hırýrg, ýrolog, mammolog, pedıatr jáne basqada mamandardan tegin tekserýden jáne emdeýden ótýge múmkindik alady. Poıyz zamanaýı dıagnostıkalyq jáne emdik jabdyqtarmen, últradybystyq, flúorografıalyq apparatpen, shaǵyn operasıalyq bólmemen, zerthanamen, ınternetke symsyz qol jetkizýge arnalǵan baılanys quraldarymen jabdyqtalady. Medısınalyq poıyzdyń bul jolǵy qozǵalys kestesi shalǵaıdaǵy stansalarda medısınalyq pýnktterdiń joqtyǵyn eskerý jáne azamattar men memlekettik organdardyń ótinishteri negizinde jasaldy», - dep atap ótti kompanıadan.