2025 jyldyń birinshi jartyjyldyǵynda megapolıske 1,1 mıllıon týrıs kelgen - bul ótken jylmen salystyrǵanda 6,5%-ǵa kóp. Olardyń 320 myńy sheteldik qonaqtar. Bul týraly Almaty qalasy ákiminiń orynbasary Oljas Smaǵulov Óńirlik komýnıkasıalar qyzmetiniń baspasóz konferensıasynda aıtty.
Aıtýynsha, kórsetilgen týrısik qyzmetterdiń kólemi 50 mlrd teńgeden asty (+16,6%). Negizgi ósim Úndistan, Qytaı, BAÁ jáne Malaızıadan kelgen týrıser esebinen qamtamasyz etilgen. Salalyq ınvestısıalar segiz aıda 104 mlrd teńgege jetip, 62,7%-ǵa artqan, al salyq túsimderi 28,6%-ǵa ósip, 59,3 mlrd teńgeni quraǵan.
Týrızmniń damýyna áýe qatynasynyń keńeıýi de yqpal etýde: 2025 jyly Gýanchjoý, Inın, Shanhaı, Danang, Alaná jáne Osh qalalaryna jańa reıster ashyldy. Mastercard derekteri boıynsha, sheteldik týrıs Almatyda táýligine orta eseppen $441 jumsaıdy - bul ishki týrıserge qaraǵanda 8,7 ese kóp. Qala «qala + taý» baǵytyndaǵy aralas marshrýttardy, oqıǵaly týrızmdi, gastrotýrlardy jáne ekonomıkalyq qaıtarymy 3–4 ese joǵary iskerlik týrızmdi (MICE) belsendi damytyp keledi.
«Qazirgi ýaqytta jalpy quny 300 mlrd teńgeni quraıtyn 21 qonaqúı qurylysy júrip jatyr. Olardyń qatarynda Hilton, St. Regis, Marriott, Radisson jáne Tapestry by Hilton brendteri bar. Beseýi - 5 juldyzdy qonaqúıler», - dedi Almaty qalasy ákiminiń orynbasary Oljas Smaǵulov.
Almaty birtindep óńirdiń tanymal týrısik brendine aınalýda - mádenıet, tabıǵat jáne ınovasıa toǵysqan, árbir qonaqqa erekshe áser syılaıtyn qala.