Almaly aýdanyn kóshe jaryǵymen qamtamasyz etý jumystary jalǵasyp otyr. Bul týraly qala ákimi Erbolat Dosaev aýdan turǵyndarymen kezdesýde málimdedi, dep habarlaıdy Almaty-akshamy.kz
Byltyr buǵan deıin jaryq tartylmaǵan aýdannyń 14 kóshesine syrtqy jaryqtandyrý jelisin tartý jumystary aıaqtaldy. 13,8 km 458 jańa baǵan men sham ornatyldy. Maqataev kóshesinen Abaı dańǵylyna deıingi Baıtursynov kóshesine kóshe jaryǵy jańǵyrtyldy. 4,2 km jerge 241 sham, 167 baǵan ornatyldy. Raıymbek dańǵylynan Abaı dańǵylyna deıingi Rozybaqıev kóshesi boıyndaǵy 3 km jerge 198 sham, 62 baǵan ornatyldy. Bıyl jobalaý-smetalyq qujattama ázirleý jáne jaryqtandyrý jelisin salý úshin jaryq tartylmaǵan 10 kósheniń tizimi ázirlendi.