Almaly aýdany turaqty ósýdi jáne áleýmettik-ekonomıkalyq damýdyń oń dınamıkasyn kórsetýdi jalǵastyrýda. Bul týraly Almaty qalasynyń ákimi Erbolat Dosaev aýdan turǵyndarymen kezdesý barysynda málimdedi.
Erbolat Dosaevtyń aıtýynsha, 2024 jyly qurylys (+20,6%), kóterme saýda (+6,4%) jáne óńdeý ónerkásibi (+1,6%) sıaqty sektorlardaǵy ósimniń arqasynda aýdannyń qysqa merzimdi ekonomıkalyq ındıkatory 6,8% - ǵa ulǵaıdy.
Sondaı-aq, aýdanda shaǵyn jáne orta bıznes senimdi damyp keledi. Jumys isteıtin SHOB sýbektileriniń sany 23% - ǵa ósip, 71 myń birlikke jetti, bul 7,5 myń jańa turaqty jumys ornyn qurýǵa múmkindik berdi. Jergilikti búdjetke 373 mlrd teńge salyqtar men tólemder tústi, bul 2023 jylmen salystyrǵanda 27% - ǵa artyq.
Serpindi ekonomıkalyq ósimniń arqasynda Almaly aýdanynyń búdjeti 2024 jyly 17,8% - ǵa ulǵaıyp, 24,1 mlrd teńgege jetti, al 2025 jyly ol taǵy 13,3% - ǵa ósedi. Osylaısha, 2025 jyly aýdan búdjeti 27,8 mlrd teńgeni quraıdy.
Jalpy, aǵymdaǵy jyly qala ekonomıkasyna 2,2 trln teńge tartý josparlanýda. Elimizdiń tarıhynda alǵash ret qalalyq búdjet 2,2 trln teńgeden asty. Damý búdjeti 2022 jylǵa qaraı 2,2 esege ulǵaıyp, 458 mlrd teńgege jetti.