«Jaıly mektep» ulttyq jobasy aıasynda Almaly aýdanynda Raıymbek dańǵyly men Áýezov kóshesiniń qıylysynda 1,5 myń oryndyq jańa mektep salynady. Ol Memleket basshysynyń tapsyrmasy boıynsha salynady, dep habarlady aýdan ákimi Aıdar Jaqybaev Almaty qalasynyń óńirlik komýnıkasıalar qyzmetiniń alańynda. Qurylys-montaj jumystary 2024 jyldyń 4 toqsanynda aıaqtalady.
Sondaı-aq, onyń aıtýynsha, aýdan ákimdigi 300 oryndyq №16 mektepke qosymsha qurylys salýǵa jáne № 58 mektepke sport jáne akt zaldaryn salýǵa jobalyq-smetalyq qujattama ázirleýde, onyń saraptamasy aǵymdaǵy jyldyń 4 toqsanynda ótedi. Qurylys-montaj jumystary bastalýynyń boljamdy merzimi-2024 jylǵy sáýir. Sondaı-aq, 2024 jyldyń 1 toqsanynda Jarokov kóshesindegi №134 jáne №135 mektep ǵımarattaryn kúrdeli jóndeýmen seısmıkalyq kúsheıtý boıynsha memlekettik saraptama qorytyndysy daıyndalady dep kútilýde. Qurylys-montaj jumystary bastalýynyń boljamdy merzimi-2024 jyldyń mamyr aıynda.
«Aǵymdaǵy jyly №15 gımnazıany kúrdeli jóndeý aıaqtaldy jáne qarasha aıynda №136 mektep-gımnazıany kúrdeli jóndeýmen seısmıkalyq kúsheıtý boıynsha qurylys-montaj jumystary bastaldy. Jumystar 2024 jyldyń tamyzynda aıaqtalady. Jalpy, Almaly aýdanynda balalardy orta bilimmen qamtý boıynsha qolaıly jaǵdaı bar. Aýdanda eń tómengi kórsetkish qala boıynsha oqýshy oryndarynyń tapshylyǵy, jalpy kontıngenti 38 myń oqýshy, 1137 oqý orny jetispeıdi. Sondaı-aq kásiptik baǵdar beretin mektepter bar.
Jańa turǵyn úılerdiń paıda bolýyn jáne halyqtyń ósýin eskere otyryp, tapshylyqty odan ári azaıtý úshin mektepter men qosymsha ǵımarattar salý boıynsha josparly jumys iske asyrylýda», - dep atap ótti ol.