Bul týraly qala ákimi E.Dosaev Almaly aýdanynyń turǵyndarymen kezdesýinde sóılegen sózinde málimdedi, dep habarlaıdy Almaty-akshamy.kz.
Jaıly jáne ómir súrý yńǵaıly aýdan úı men aýladan bastalady. "Nurly jer" turǵyn úı-kommýnaldyq sharýashylyǵyn damytý baǵdarlamasy boıynsha aǵymdaǵy jyl basynan beri 22 úıde 57 jedelsaty aýystyryldy jáne 2 úıde ortaq múlik jóndeldi.
Aǵymdaǵy jyldyń sońyna deıin 3 úıdegi taǵy 8 lıftini qosymsha aýystyrýdy jáne 4 úıdegi jalpy qoldanystaǵy múlikti jóndeý josparlanyp otyr.
Aǵymdaǵy jyldyń qazan aıyna deıin josparlanǵan 5 aýla keńistigin kúrdeli jóndeý aıaqtalady.Tarıhı biregeılikti saqtaý úshin aǵymdaǵy jyldyń basynan bastap 10 shaǵyn qabatty turǵyn úıdiń qasbetteri jóndeldi jáne osy jyldyń qazan aıyna deıin taǵy 34 úı jóndeledi.
Eski úılerdi jóndeý baǵdarlamasy boıynsha bıyl 4 úıdiń turǵyndary turǵyn úı jaǵdaıyn jaqsartty.(Seıfýllın-Tóle bı, Sháripov-SHevchenko kóshelerimen qıylysady.)
2023 jyldyń qyrkúıeginde Shevchenko kóshesindegi taǵy eki qabatty eski úılerdiń (16 páter) turǵyndaryn «Vek» AQ salatyn osy alańdaǵy jańa 9 qabatty turǵyn úıge kóshiriledi.
Úı qurylysyn aǵymdaǵy jyldyń qyrkúıek aıynda bastaý josparlanýda (turǵyndar men "Vek" AQ arasynda nıet kelisimsharttaryna qol qoıyldy).