Elimizge shetelden alma ákelýge tyıym salynǵan.
Premer-Mınıstrdiń orynbasary Serik Jumanǵarın Qazaqstanǵa alma ákelýge tyıym salyný aıasynda, ónim baǵasynyń qymbattaý múmkinshiligi qanshalyqty ekenin aıtty, dep habarlaıdy aqshamnews.kz
Ol Qazaqstan aǵymdaǵy jyldyń 31 jeltoqsanyna deıin úshinshi elderden alma ákelýge tyıym salǵanyn eske saldy.
"Biz birneshe jyl boıy alma ımportyn almastyrý baǵdarlamasyn júrgizip kelemiz. Bıyl biz 300 myń tonna ónim kútip otyrmyz — osylaısha ishki naryqty tolyǵymen qamtamasyz etemiz. Fermerler bul úshin kóp kúsh jumsady",-dep túsindirdi Serik Jumanǵarın.
Onyń aıtýynsha, Qazaqstanda bul ónim baǵasynyń kúrt ósýi kútilmeıdi.
"Biz óndirýshilermen kelisim jasadyq — eger alma baǵasy kóterile bastasa, biz tyıym salýdy alyp tastaımyz. Bul qoldaýdyń sharty",-dep atap ótti Serik Jumanǵarın.