Alergıa mazalap, janyńyzdy jabyrqatyp júrgen bolsa nevrolog Uljalǵas Smanova keńesine qulaq túrińiz.
Dáriger óziniń ınstagram paraqshasynda alergıadan arylýdyń joldaryn aıtty, - dep habarlaıdy Almaty-akshamy.kz.
Dáriger alergıadan arylý úshin adam óz ádetterin ózgertýden bastaý keregin aıtty.
«Alergıaǵa kináli tal-aǵash ta, shóp-shóńge de emes, aldymen - ózimiz», - dedi dáriger.
Uljalǵas Smanovanyń aıtýynsha, maýsymdyq alergıanyń eń basty 2 sebebine mynadaı:
aǵzanyń ábden lastanýy jáne ýlanýy;
parazıtoz.
«Rejımsiz ómir súrý, durys tamaqtanbaý, sol arqyly aǵzany qoqysqa toltyrý, qarapaıym sý men uıqy rejımin saqtamaý, joqtan ózgege ýaıymdaý, kúızelispen dos bolý, bári-bári aǵzany álsiretip, ımýndyq júıemizdiń syrtqy titirkendirgishterge qatty sezimtaldyǵyn oıatady. Sonyń saldarynan kóp shópterdiń tozańy, qus-janýarlardyń júni, aýadaǵy shań-topyraq, jándikter, qyl-aıaǵy shaqyraıǵan kúnniń kózine de shydaı almaıtyn nashar kúıge jetemiz», - dep jazdy maman.
Dáriger talaı jyldar boıy tozdyrǵan aǵzany qalypqa keltirý ońaı emes ekenin aıtyp, dese de myna qadamdardan bastaýǵa keńes berdi:
Tamaqtaný tártibin durystaısyz. Dámdi, dárýmenge baı emdik mázir arqyly aýqattanýǵa kóshesiz;
Eń tıimdi ári paıdaly, aǵzaǵa esh qaýipsiz prosedýaralar arqyly ishek qurylysyńyzdy tazalaısyz;
Uıqy jáne sý ishý rejımderin retteısiz;
Qanaınalymdy, ót pen ishek jumysyn jaqsartatayn jattyǵýlar jasaısyz;