Alkogól ónimi tek esepke alý-baqylaýdyń qaǵaz markalarymen tańbalanatyn bolady, dep habarlaıdy almaty-akshamy.kz QR Qarjy mınıstrligi Memlekettik kirister komıtetine silteme jasap.
Tańbalanǵan temeki ónimderin bólshek saýdaǵa salatyn dúkender úshin jumys jeńildetiledi. Jańa qaǵıdadar jobasy ashyq talqylaý úshin ornalastyrylǵan. Aǵymdaǵy jylǵy 16 qyrkúıekte Qazaqstan Respýblıkasynyń Úkimetinde Qazaqstan Respýblıkasynda taýarlardy tańbalaý jáne qadaǵalaý máseleleri boıynsha kezekti keńes ótti, onyń barysynda alkogól ónimderin tańbalaý jáne qadaǵalaý ilki jobasy boıynsha máseleler qaraldy.
Nátıjesinde bólshek saýda satýshylary úshin tańbalanǵan temeki ónimderimen jumys isteýdiń bıznes-prosesterin jeńildetý týraly sheshim qabyldandy. Osyǵan baılanysty qazirgi ýaqytta tańbalanǵan temeki ónimderimen jumys isteý bóliginde bólshek saýda satýshylary úshin bıznes-prosesterdi jeńildetý bóliginde Qazaqstan Respýblıkasy Qarjy mınıstriniń 2020 jylǵy 29 qyrkúıektegi № 927 buıryǵymen bekitilgen Temeki ónimderin tańbalaý jáne qadaǵalaý qaǵıdalaryna ózgerister engizý boıynsha buıryqtyń jobasy ázirlendi.
Sondaı-aq alkogól ónimin tańbalaý jáne qadaǵalaý boıynsha qoldanystaǵy pılotty aıaqtaý jáne esepke alý-baqylaý tańbalarymen tańbalaýdyń qoldanystaǵy tetigin saqtaý týraly sheshim qabyldandy. Bul rette baqylaý salyqtyq jáne azamattyq baqylaý jolymen júzege asyrylady.