Aljırdegi orman alqabynda iri órt bastaldy, dep habarlaıdy almaty-akshamy.kzt Reuters agenttigine silteme jasap.
Aljır Azamattyq qorǵanys basqarmasynyń sońǵy málimetine sáıkes, dala órtiniń taralýy saldarynan tórt adam qaza taýyp, úsheýi jaralanǵan. Órttiń shyǵýyna eldegi uzaqqa sozylǵan aptap ystyq pen qurǵaqshylyq sebep boldy. Keıbir aımaqtarda aýa temperatýrasy Selsıı boıynsha 46 gradýsqa deıin jetedi, sonymen qatar elde sý tapshylyǵymen kúresýde.
Qazirgi ýaqytta órt sóndirýshiler tikushaqtarmen Aljır astanasynan shyǵysqa qaraı 150 shaqyrym jerde ornalasqan Tızı -Ýzýzý provınsıasynda órttiń taralýyn boldyrmaýǵa tyrysýda.
Surapyl jalyn úılerdi jalmap jatyr, sondyqtan turǵyndardy shuǵyl túrde evakýasıalaýǵa týra keldi. Jergilikti halyq órtti sóndirý úshin jumys istep jatqan azamattyq qorǵanys toptaryna erikti túrde kómek kórsetýde.