Alıment óndirýden jaltarǵan 6 myńǵa jýyq boryshker ákimshilik jáne qylmystyq jaýaptylyqqa tartyldy.
Prokýratýra organdary alımentterdi óndirip alý máselesine erekshe nazar aýdarady jáne úılestirý sharalarymen sot oryndaýshylary, polısıa, ákimdikter jáne basqa da ýákiletti organdardyń kelisilgen is-qımyldaryn qamtamasyz etedi, dep habarlaıdy Almaty-akshamy.kz.
Astanatv.kz habarlaýynsha, Osy baǵytta eki jyl ishinde prokýratýramen 236 májilis, alqa jáne úılestirý keńesteri ótkizildi.
Alıment tólemeýdiń negizgi sebebi – boryshkerlerdiń jumysqa ornalaspaýy, turaqty tabystyń bolmaýy.
Jaǵdaıdy sheshý úshin kásipkerlerdi tarta otyryp 200-ge jýyq bos oryndar jármeńkesi uıymdastyryldy.
Jumyspen qamtý organdarynda 20 myń jumyssyz boryshker esepke alyndy, onyń 9,5 myńy jumysqa ornalasty. 500-den astam túrli yntalandyrý sharalary ótkizildi (aksıa, reıdt, áleýmettik rolık, bılbordtar jáne basqalar).
Alıment óndirýden jaltarǵan 6 myńǵa jýyq boryshker ákimshilik jáne qylmystyq jaýaptylyqqa tartyldy.
700 qadaǵalaý aktisi boıynsha tártiptik jazada 825 jeke sot oryndaýshy jazalandy.
Júıeli jáne keshendi sharalar qabyldaý nátıjesinde problemalyq is júrgizýlerdiń sanyn úshten birine deıin qysqartýǵa múmkindik berdi nemese 75 myńnan 50 myńǵa deıin.
140 myń balanyń paıdasyna 23 mlrd teńgege qaryz óteldi, sonymen qatar qaryz esebine boryshkerlerdiń 322 múlki óndirip alýshylarǵa berildi.
Búginde qaryz somasy 22 mlrd teńgeni quraıdy.
Osyǵan baılanysty prokýratýra organdary boryshkerlerdiń esepke alynbaǵan jáne jańa kiris kózderin anyqtaý úshin jańa tásilder men algorıtmder ázirledi: taksı qyzmetindegi mobıldi qosymshalar arqyly jumys isteý (Iandeks, inDriver, DiDi, Uber), býkmekerlik keńselerdegi stavkalar, elektrondyq ámıandar jáne t.b.
Sot oryndaýshylar boryshkerlerdiń osyndaı tabystary týraly málimetterdi prokýrordyń sanksıasy arqyly alady.
Mysaly, Qaraǵandy oblysynda prokýrorlar elektrondyq ámıandarda aqshany jasyrǵan 86 tólemeýshini anyqtady.
Kiristerden óndirip alýǵa múmkindik beretin zańnamalyq túzetýler engizý týraly usynystar Ádilet mınıstrligine jáne Parlament depýtattaryna jiberildi.
Alımentterdi óndirip alý jáne balalardyń quqyqtaryn saqtaý máseleleri prokýratýra organdarynyń turaqty baqylaýynda.