Otbasymyzdyń atynan alǵysymyzdy bildiremiz.
Qala kúninde Almaty qalasy ákiminen páter kiltin ıelengen megapolıstiń eki mıllıonynshy turǵyny Aıala Jambyldyń anasy óziniń alǵysyn jetkizdi, dep habarlaıdy Almaty-akshamy.kz.
Jańa qonys toıyn toılaýǵa demeý bolǵan qala basshylyǵyna otbasy atynan alǵysyn jetkizgen ana, qalanyń damı berýin tiledi.
«Eń birinshiden Allaǵa, ekinshi páterli bolýǵa demeýshi bolǵan qala ákimi Baqytjan Ábdirulyna otbasymyzdyń atynan alǵysymyzdy bildiremiz. Shaharymyz kórkeıip, damı bersin», - dedi 2-mln turǵynnyń anasy Álıa Eleýsizqyzy.
Aıta ketsek, qalamyzda 2021 jyldyń basynan beri 2210 azamat turǵyn úımen qamtyldy. «Nurly jer» baǵdarlamasy aıasynda 248 myńnan astam qoljetimdi turǵyn úı salyndy. Sondaı-aq, aǵymdaǵy jyly 2,6 mln sharshy metrden astam turǵyn úı paıdalanýǵa beriledi dep kútilýde.