Ǵylym men bilimge de erekshe kóńil bólý kerek
Qazaqstanda sý sharýashylyǵy ǵylymy damytylady. Bul týraly búgin QR Premer-Mınıstri Álıhan Smaıylovtyń tóraǵalyǵymen ótken Qazaqstan Sý keńesiniń otyrysynda aıtyldy, dep habarlaıdy Almaty-akshamy.kz primeminister.kz saıtyna silteme jasap.
Keńeste Sý resýrstary komıtetiniń jáne onyń baseındik ınspeksıalarynyń kadrlyq áleýetin nyǵaıtý, sondaı-aq olardyń materıaldyq-tehnıkalyq jaraqtandyrylýyn jaqsartý máseleleri qaraldy.
Ekologıa, geologıa jáne tabıǵı resýrstar mınıstri Serikqalı Brekeshevtiń habarlaýynsha, eldiń sý resýrstaryn basqarý tıimdiligin arttyrý úshin Sý resýrstary komıtetiniń uıymdyq qurylymyn qaıta qaraý jáne kúsheıtý, sondaı-aq aýmaqtyq baseındik ınspeksıalardy aıtarlyqtaı nyǵaıtý usynylyp otyr.
Premer-Mınıstr tıisti bólimshelerdi materıaldyq-tehnıkalyq jaǵynan qamtamasyz etýdi keńeıtý jónindegi usynysty qoldady. Bul rette ol Ekologıa mınıstrligine kadr saıasatyna qatysty usynylyp otyrǵan sharalarǵa qosymsha taldaý júrgizýdi tapsyrdy.
«Ǵylym men bilimge de erekshe kóńil bólý kerek. Sý sharýashylyǵy ǵylymyn damytý, tıisti ǴZI-di kúsheıtý boıynsha usynystar berińiz, óıtkeni ǵylymsyz bul salany damyta almaımyz. Kadrlardy daıarlaý kezinde zamanaýı kásibı standarttardy engizýge basa nazar aýdarylýy tıis», — dedi Álıhan Smaıylov.