Búgin «Qazaqstandyq qoǵamdyq damý ınstıtýty» KeAQ basqarma tóraǵasy bolyp Nurbek Matjanı taǵaıyndaldy. Bul týraly Aqparat jáne qoǵamdyq damý mınıstri Darhan Qydyráli áleýmettik jelidegi paraqshasynda jazdy, dep habarlaıdy Almaty-akshamy.kz.
Nurbek Matjanı - Northwestern ýnıversıtetiniń menedjment magıstri, jeke konsaltıń.
Bilimi: 2007 - 2011 j.j. – Mashına jasaý bakalavry, Q. Sátbaev atyndaǵy Qazaq ulttyq tehnıkalyq ýnıversıtetin (Almaty); 2018 - 2020 j.j. – Injenerlik menedjment magıstri, Northwestern University, Evanston, Illınoıs, AQSH.
Eńbek ótili: «WikiBilim» qoǵamdyq qorynda úılestirýshi, prezıdent; Qyzylorda oblysy ákiminiń apparatynda maman; «Bilim Media Group» JSHS-de basqarýshy dırektor, «Atom Media» JSHS-de atqarýshy dırektor qyzmetin atqarǵan. 2020 jyldan bastap jeke konsaltıń.
***
Sondaı-aq, buǵan deıin osy qyzmetti atqarǵan Qazbek Ómirzaquly Maıgeldınov «Qoǵamdyq kelisim» RMM dırektory bolyp taǵaıyndaldy.
Qazbek Maıgeldınov 1983 jyldyń 3 qarashasynda dúnıege kelgen.
2005 jyly Ó. Baıqońyrov atyndaǵy Jezqazǵan ýnıversıtetin «Tarıh» mamandyǵy, 2007 jyly ál-Farabı atyndaǵy Qazaq memlekettik ulttyq ýnıversıtetiniń magıstratýrasyn «Arheologıa jáne etnologıa» mamandyǵy, 2018 jyly Qaraǵandy ekonomıkalyq Qaztutynýodaǵy ýnıversıtetin «Quqyqtaný: ekonomıka salasyndaǵy quqyqtyq retteý» mamandyǵy, 2021 jyly L. Gýmılev atyndaǵy Eýrazıa ulttyq ýnıversıtetiniń doktorantýrasyn «Saıasattaný» mamandyǵy boıynsha bitirdi.
«Arheologıa ınstıtýty» RMQK jalpy arheologıa bóliminiń ǵylymı qyzmetkeri; ǵylymı-zertteý ınstıtýtynyń jetekshi ǵylymı qyzmetkeri; QR Prezıdenti Ákimshiliginiń qurylymdyq bólimshelerinde maman; Eýrazıalyq ıntegrasıa ınstıtýtynyń Ǵylymı zertteýler jáne taldaý ortalyǵynyń basshysy; «Qazaqstandyq qoǵamdyq damý ınstıtýty» KeAQ Qoǵamdyq prosesterdi zertteý ortalyǵynyń jetekshisi qyzmetterin atqarǵan.
2022 jyly QR Prezıdenti janyndaǵy Ulttyq quryltaıdyń quramyna kirdi.
«Blogosfera kóshbasshysy-2020» nomınasıasy boıynsha «Halyq súıiktisi» ulttyq syılyǵynyń ıegeri. 40-tan astam ǵylymı maqala avtory.