Taraptar týrızm, mádenıet jáne azamattyq avıasıa salalaryndaǵy yntymaqtastyqty keńeıtý máselelerin talqylady.
QR Premer-Mınıstri Álıhan Smaıylov Saýd Arabıasy Koróldiginiń Qajylyq jáne ýmra mınıstri Taýfık ben Faýzan ál-Rabıamen kezdesý ótkizdi, dep habarlaıdy Almaty-akshamy.kz úkimettiń resmı resýrsyna silteme jasap.
Premer-Mınıstr ótken jyldar ishinde Qazaqstan Respýblıkasy men Saýd Arabıasy arasynda dostyq jáne syndarly qatynastar ornaǵanyn atap ótti.
«Álem musylmandary qajylyq paryzyn óteýdi asyǵa kútedi. Bıyl bizdiń 4 myń otandasymyz da osyndaı múmkinshilikke ıe boldy. Buǵan Saýd Arabıasy basshylyǵynyń nazary men kúsh-jigeriniń arqasynda qol jetkizildi», — dedi Álıhan Smaıylov.
Sondaı-aq ol Astanada ótken Álemdik jáne dástúrli dinder kóshbasshylarynyń VII sezine belsendi qatysqany úshin Koróldik ókilderine alǵysyn bildirdi.
«Elder arasyndaǵy yntymaqtastyq keńeıip, nyǵaıa túsetinine senimdimin», — dedi Álıhan Smaıylov.
Óz kezeginde Taýfık ben Faýzan ál-Rabıa turaqty áýe reısteriniń ashylýy ekijaqty qarym-qatynasty nyǵaıtýǵa qosymsha serpin beretinin atap ótti.
«Sapar aıasynda men qazaqstandyq áriptesterimmen birqatar tabysty kezdesýler ótkizdim. Tikeleı turaqty reısterdiń ashylýy Qazaqstannan keletin týrıser men qajylyqqa barýshylar sanynyń ósýine yqpal etedi dep úmittenemiz», — dedi Taýfık ben Faýzan ál-Rabıa.