Úkimet basshysy Álıhan Smaıylov Qazaqstan halqynyń birligi kúnimen quttyqtady.
QR Premer-Mınıstri Álıhan Smaıylov Qazaqstan halqynyń birligi kúnimen quttyqtady, dep habarlaıdy Almaty-akshamy.kz Úkimettiń baspasóz qyzmetine silteme jasap.
Qurmetti otandastar!
Sizderdi 1 mamyr – Qazaqstan halqynyń birligi merekesimen shyn júrekten quttyqtaımyn!
Bul kún – ortaq kelisim men aýyzbirshilikti qasterli qundylyǵy sanaıtyn kópultty halqymyz úshin eńseli eldiktiń, yrysty yntymaqtyń meıramy.
Táýelsiz elimizdiń bolashaǵy ózara syılastyq jáne myzǵymas dostyq sıaqty memlekettigimizdiń berik negizderine baılanysty.
Sondyqtan búgingi mereke týǵan jerge degen shynaıy súıispenshiligimiz ben sheksiz qurmetimizdiń aıshyqty belgisi bolyp sanalady.
Árbir azamattyń keleshek urpaq aldyndaǵy uly mindeti – ata-babamyzdyń osynaý baǵa jetpes murasyn kózdiń qarashyǵyndaı saqtap, el múddesine qyzmet etý.
Bereke-birliktiń arqasynda elimizde turaqtylyq pen úılesimdilik saltanat qurýda. Memleket basshysy Qasym-Jomart Toqaev aıqyndap bergen saıası baǵdar etnosaralyq tatýlyq pen dinaralyq túsinistikti nyǵaıtýǵa baǵyttalǵan.
Búgingi shýaqty merekede barshańyzǵa zor densaýlyq, otbasylaryńyzǵa baqyt, eńbekterińizge tolaıym tabys tileımin!