ArcelorMittal kompanıasy óndiristik qaýipsizdikti kúsheıtý jumystaryn jalǵastyratynyn rastady.
QR Premer-Mınıstri Álıhan Smaıylov ArcelorMittal kompanıasynyń vıse-prezıdenti Vıdjaı Goıalmen kezdesti, dep habarlaıdy Almaty-akshamy.kz.
Álıhan Smaıylov «ArselorMıttal Temirtaý» (AMT) kásipornyndaǵy qaýipsizdik jaǵdaıyna asa alańdaýshylyq bildirdi.
Óz kezeginde Vıdjeı Goıal adam ólimine ákelgen qaıǵyly jaǵdaılarǵa baılanysty kóńil aıtyp, jumysshylardyń qaýipsizdigin qamtamasyz etýdegi AMT-niń jaýapkershiligin moıyndady. Ol ArcelorMittal kompanıasy óndiristik qaýipsizdikti kúsheıtý jumystaryn jalǵastyratynyn rastady jáne kompanıanyń qaıtys bolǵan jumysshylardyń otbasylaryna tolyq qoldaý kórsetetine ýáde berdi.
Sonymen qatar Vıdjaı Goıal AMT basshylyǵy Bas prokýratýra júrgizip jatqan tergeýge tolyq kómek kórsetýge daıyn ekenin atap ótti.
Kezdesý qorytyndysy boıynsha QR Indýstrıa jáne ınfraqurylymdyq damý mınıstrligi men AMT arasynda memorandýmǵa qol qoıyldy, oǵan sáıkes qazaqstandyq tarap kompanıanyń jumysyn baǵalaý úshin halyqaralyq sarapshylardy tartatyn bolady.
Bul rette AMT baǵalaý júrgizý kezinde óndiris kólemin, kásiporyndaǵy jumyspen qamtý jáne jalaqy deńgeıin saqtaýǵa mindetti bolady.