Kitaptyń avtory – ǵalym Vıktor Kozodoı.
Tarıhshynyń bul eńbegi muraǵattan alynǵan aqparattarǵa súıenip jazylǵan, dep habarlaıdy Almaty-akshamy.kz
Almatyda Táýelsizdiktiń 30 jyldyǵy qarsańynda tarıh ǵylymdary doktory Vıktor Kozodoıdyń «Álıhan Bókeıhanov – ańyz adam» atty kitabynyń tusaýkeseri ótti.
Ǵylym ordasynda uıymdastyrylǵan sharada týyndy avtory Alashorda úkimetiniń jetekshisi týraly biri bilse, biri bile bermeıtin derekterdi de óz týyndysyna qosqanyn aıtty. Eńseli egemendigimizdiń 30 jyldyǵy qarsańynda oqyrmanǵa jetken kitap ult zıalysynyń ǵumyryn tolyq qamtyǵan. Eńbek muraǵattan alynǵan aqparattarǵa súıene otyryp jazylypty.
«Bul eńbekti 2 jyldaı jazdym. Qazaqstan men Reseı Federasıasyndaǵy 10 qalany aralap, 12 muraǵattyń tabaldyryǵyn tozdyrdym. Kóbine Almatyda bolyp, Ortalyq muraǵattan tyń derekterdi taptym», – dedi tarıh ǵylymdarynyń doktory Vıktor Kozodoı.