Erjan Babaqumarov balalar úıiniń tárbıelenýshilerine sporttyq qurylǵylar men qysqy kıimder jıyntyǵyn tabys etti.
Almatyda QR Táýelsizdiginiń 30 jyldyǵy aıasynda «Januıa» balalar úıiniń tárbıelenýshilerine syılyqtar tapsyrý rásimi ótti, olar qala ákimdigimen birlesken joba aıasynda «Sagadat batyr-QTT» sport klýbynda jıý-jıtsýmen tegin aınalysady, dep habarlaıdy Almaty-akshamy.kz
Atalǵan sharaǵa Almaty qalasy ákiminiń orynbasary Erjan Babaqumarov, İle aýdany qoǵamdyq keńesiniń tóraǵasy jáne «Sagadat batyr – QTT» klýbynyń qurmetti prezıdenti Erbolat Turymbetov, sondaı-aq jıý-jıtsý jáne grepplıng boıynsha álem chempıonattarynyń jeńimpazdary men júldegerleri, klýbtyń jattyqtyrýshylary men tárbıelenýshileri qatysty.
Almaty ákimdiginiń qoldaýymen sport klýby «Januıa» balalar úıiniń tárbıelenýshilerin jıý-jıtsýdan jáne grepplıngten tegin jattyqtyrady. Negizgi mindet – deneshynyqtyrý men sportty damytý, balalardyń densaýlyǵyn nyǵaıtý. Balalar úıiniń tárbıelenýshileri eki aı buryn jattyǵa bastady, al olardyń keıbireýleri jańadan kelgender arasynda týrnırdiń júldegeri atandy.
Erjan Babaqumarov balalardyń sportqa degen qyzyǵýshylyǵyn oń baǵalap, jarystarda sáttilik tiledi. «Januıa» balalar úıiniń 20-dan astam tárbıelenýshileri jıý-jıtsý sabaǵyna arnalǵan kımono men jyly kıimderdiń tolyq jıyntyǵyn syılyqqa aldy.
«Klýbta 200-den astam sportshy jattyǵady. Klýb janynan «Baqytty bolashaq» qoǵamdyq qoryn ashtyq, onyń aıasynda halyqtyń áleýmettik osal toptarynan shyqqan balalar úshin tegin sabaqtar, qaıyrymdylyq aksıalaryn ótkizemiz. Almaty qalasy ákimdiginiń qoldaýymen jáne mesenattardyń arqasynda búgin «Januıa» balalar úıiniń 20 balasyna qysqy syrt kıim men kımono syılaımyz. Bizdiń maqsatymyz tárbıelenýshilerimizdi álem chempıondaryna aınaldyrý», - dep atap ótti aralas jekpe-jek palýany, «Sagadat Batyr» klýbynyń bas bapkeri Nursultan Orynbasarov.
Aıta keterligi, Almatyda halyqty sportpen qamtýdy keńeıtý boıynsha keshendi jumystar keńinen júrgizilýde.
Búginde 4 jastan 17 jasqa deıingi 243 myńnan astam bala sportpen shuǵyldanady. Megapolıste túrli menshik túrinde 3400 nysan jumys isteıdi. Bos ýaqytta sportpen aınalysýǵa bolatyn 100 tynyǵý ortalyǵy jumys isteıdi, onda 8 myńnan astam adamdy qamtıtyn 36 sport seksıalary men úıirmeleri tegin ári qoljetimdi. Balalardy tegin sport seksıalarymen qamtýdy keńeıtý maqsatynda jan basyna qarjylandyrý tetigi belsendi qoldanylady.
Memlekettik sporttyq tapsyrys boıynsha 4 jastan 18 jasqa deıingi balalarǵa arnalǵan tegin seksıalarda sporttyń 71 túri júzege asyrylady. Mamandandyrylǵan áleýmettik mekemelerde sportpen aınalysýǵa jaǵdaı jasaý úshin jumystar júrýde.