12 shildede Ulttyq ekonomıka mınıstri Álibek Qýantyrov úkimet otyrysy kýlýarynda aǵasynyń «Qazatomónerkásip» UK-ǵa basshylyq qyzmetke taǵaıyndalýyna qatysty pikir bildirdi, dep habarlaıdy Almaty-akshamy.kz Zakon.kz-ke silteme jasap.
Buǵan deıin BAQ Ulttyq ekonomıka mınıstri Álibek Qýantyrovtyń aǵasy Ermek Qýantyrov «Qazatomónerkásip» UAK-nyń quqyqtyq qamtamasyz etý jáne satyp alýlar jónindegi bas dırektory boldy» degen aqparat taratqan edi. BAQ ókilderi UEM basshysynan bul jaǵdaıǵa túsinikteme berýdi surady.
«Shynymen de, ol - meniń aǵam. Bul jerde nepotızm (týysqan, aǵaıyn-týys, jaqyn-jurtty tartý. – Red.) joq. Meniń buǵan esh qatysym joq. Túsinip tursyz: ol adam zańdy taǵaıyndaý prosedýralarynan ótken. Ol Kolýmbıa ýnıversıtetindegi eń jaqsy zań mektepteriniń birin bitirgen. Ol - prezıdenttiń kadrlar rezerviniń múshesi. Oǵan kirý ońaı emes, prosedýralardan ótý qıyn. Men ózim qatystym, onyń ne ekenin bilemin. Al rezervtegiler kirýdiń qanshalyqty qıyn bolǵanyn biledi. Onyń halyqaralyq quqyq salasynda, sot júıesinde tájirıbesi bar, osy salada 13 jyl qyzmet etti», - dedi Álibek Qýantyrov.
Jalpy mınıstrdiń aıtýynsha, onyń aǵasy talaptarǵa saı kelip, zańdy túrde «Qazatomónerkásipte» qyzmet atqarǵan.
Sonymen qatar BAQ ókilderi mınıstrden «Aǵańyzǵa suhbattan sátti ótýdiń qandaı da bir joldaryn usyndyńyz ba?» dep surady.
«Óte qyzyq suraq. Otbasynda ekeýmiz. Bilesiz be, ol meniń aǵam, men oǵan bala kezimnen durys tárbıe, minez-qulyq jáne taǵy basqa boıynsha biraz keńes berip kelemin. Osymen boldy», - dedi - UEM basshysy.
Buǵan deıin habarlaǵanymyzdaı, QR Ulttyq ekonomıka mınıstri Álibek Qýantyrovtyń aǵasy Ermek Qýantyrov «Qazatomónerkásip» UAK-nyń quqyqtyq qamtamasyz etý jáne satyp alýlar jónindegi bas dırektory bolyp taǵaıyndaldy.