Mal ósirýshiler merekesi Táýelsizdiktiń 30 jyldyǵyna jáne eki dúrkin Sosıalısik Eńbek Eri Jazylbek Qýanyshbaevtyń týǵanyna 125 jyl tolýyna oraı ótkizilmek.
2021 jylǵy 27 qazanda Jambyl oblysynda elimizdiń barlyq oblystarynan jetekshi mamandardyń qatysýymen Qazaqstan mal ósirýshileriniń alǵashqy respýblıkalyq sleti ótedi, dep habarlaıdy Almaty-akshamy.kz QR Aýyl sharýashylyǵy mınıstrlginiń baspasóz qyzmetine silteme jasap.
İs-shara aıasynda Aýyl sharýashylyǵy mınıstri, oblys ákimi, bıznes pen azamattyq qoǵam ókilderi qatysady dep josparlanyp otyr.
J. Qýanyshbaev barelefine gúl shoqtaryn qoıý, onyń esimi berilgen kósheniń lentasyn qıý saltanaty jáne M.H. Dýlatı atyndaǵy Taraz óńirlik ýnıversıtetinde J. Qýanyshbaev atyndaǵy Birinshi respýblıkalyq ǵylymı-praktıkalyq konferensıa ótkizý josparlanǵan.
Sondaı-aq Qazaqstan mal ósirýshileriniń sleti kezinde mal sharýashylyǵyn damytý máseleleriniń keń spektrin jáne agroónerkásiptik keshendi damytýdyń ózekti máselelerin, Qazaqstan Respýblıkasynyń agroónerkásiptik keshenin damytý jónindegi 2021-2025 jyldarǵa arnalǵan Ulttyq jobany iske asyrý tetikterin talqylaý kózdelgen. Sondaı-aq, kásibı qyzmettegi joǵary jetistikteri úshin Qurmet gramotalaryn tapsyrý rásimi ótedi.
İs-shara 2021 jyldyń 27 qazanynda saǵat 09.00-de Jambyl oblysy ákimdigi ǵımaratynyń janynda bastalady.