Zań jobasynyń maqsaty – halyqtyń densaýlyǵy men eldiń ulttyq qaýipsizdiginiń qorǵalý deńgeıin arttyrý, bıologıalyq qaterlerge ýaqtyly den qoıý.
Zań jobasy QR Prezıdentiniń tapsyrmalary aıasynda ázirlendi jáne Qazaqstanda asa qaýipti ınfeksıalardyń taralýyna qarsy is-qımylǵa baǵyttalǵan, dep habarlaıdy Almaty-akshamy.kz
Qasym-Jomart Toqaev Sovid-19 pandemıasyna baılanysty jaǵdaıdy eskere otyryp, bıologıalyq qaýipsizdikti qamtamasyz etý máselesin zańnamalyq retteýdiń mańyzdylyǵyn atap ótti. Qazirgi ýaqytta zań jobasy Parlamenttiń tómengi palatasy depýtattarynyń qaraýynda.
Bul týraly habarlaǵan sanıtarlyq-epıdemıologıalyq baqylaý komıtetiniń málimetinshe, derekterdi esepke alýdyń biryńǵaı júıesin qurý táýekelderdi baǵalaý jáne memlekettik baqylaý sýbektilerin irikteý júıesin qosa alǵanda, bıoqaýipsizdik salasyndaǵy eseptik jáne esepke alý aqparatyn avtomattandyrýǵa múmkindik beredi.
Qujattyń negizgi ázirleýshisi – QR Densaýlyq saqtaý mınıstrligi. Onda kelesi máselelerdiń sheshimi kórsetilgen: qoǵamdyq densaýlyq saqtaý, ekologıa, veterınarıa, fıtosanıtarıa salasyndaǵy jáne shektes salalardaǵy zańnamany shoǵyrlandyrý jáne birizdendirý; bıologıalyq agenttermen jumys isteý salasyndaǵy baqylaý jáne ruqsat berý rásimderi boıynsha qoldanystaǵy normalardy júıeleý jáne jańartý; memlekettik retteý sharalaryn engizý, ókilettikterdi bólý jáne memlekettik pen jeke uıymdardyń ózara is-qımyly; bıologıalyq qaýip-qaterlerdi esepke alý jáne eseptilik, monıtorıń jáne baǵalaý tetikterin jetildirý; 1-2 patogendi toptardyń bıologıalyq agentterimen (PTR-test) jumys isteıtin zerthanalarǵa qoıylatyn talaptardy kúsheıtý. «Bıologıalyq qaýipsizdik týraly» zań jobasy 10 zańǵa jáne 3 kodekske ózgerister engizýdi qarastyrady. Árbir beıindi memlekettik organda jáne áleýetti qaýipti bıologıalyq obektilerde bıologıalyq qaterlerdi basqarý júıesin engizý ınfeksıalyq aýrýlardyń qaýipti qozdyrǵyshtarymen qyzmetti tolyqqandy esepke alýdy jáne baqylaýdy qamtamasyz etýge múmkindik beredi.