Zań jobasynyń maqsaty – halyqtyń densaulyǵy men eldíń ūlttyq qauípsízdígíníń qorǵalu deńgeıín arttyru, bıologıyalyq qaterlerge uaqtyly den qoyu.
Zań jobasy QR Prezıdentíníń tapsyrmalary ayasynda ázírlendí jáne Qazaqstanda asa qauíptí ınfektsıyalardyń taraluyna qarsy ís-qımylǵa baǵyttalǵan, dep habarlaıdy Almaty-akshamy.kz
Qasym-Jomart Toqaev Sovid-19 pandemıyasyna baılanysty jaǵdaıdy eskere otyryp, bıologıyalyq qauípsízdíktí qamtamasyz etu máselesín zańnamalyq retteudíń mańyzdylyǵyn atap óttí. Qazírgí uaqytta zań jobasy Parlamenttíń tómengí palatasy deputattarynyń qarauynda.
Būl turaly habarlaǵan sanıtarlyq-epıdemıologıyalyq baqylau komıtetíníń málímetínshe, derekterdí esepke aludyń bíryńǵaı júıesín qūru táuekelderdí baǵalau jáne memlekettík baqylau subektílerín íríkteu júıesín qosa alǵanda, bıoqauípsízdík salasyndaǵy eseptík jáne esepke alu aqparatyn avtomattandyruǵa múmkíndík beredí.
Qūjattyń negízgí ázírleushísí – QR Densaulyq saqtau mınıstrlígí. Onda kelesí máselelerdíń sheshímí kórsetílgen: qoǵamdyq densaulyq saqtau, ekologıya, veterınarıya, fıtosanıtarıya salasyndaǵy jáne shektes salalardaǵy zańnamany shoǵyrlandyru jáne bírízdendíru; bıologıyalyq agenttermen jūmys ísteu salasyndaǵy baqylau jáne rūqsat beru rásímderí boıynsha qoldanystaǵy normalardy júıeleu jáne jańartu; memlekettík retteu sharalaryn engízu, ókílettíkterdí bólu jáne memlekettík pen jeke ūıymdardyń ózara ís-qımyly; bıologıyalyq qauíp-qaterlerdí esepke alu jáne eseptílík, monıtorıng jáne baǵalau tetíkterín jetíldíru; 1-2 patogendí toptardyń bıologıyalyq agentterímen (PTR-test) jūmys ísteıtín zerthanalarǵa qoıylatyn talaptardy kúsheıtu. «Bıologıyalyq qauípsízdík turaly» zań jobasy 10 zańǵa jáne 3 kodekske ózgeríster engízudí qarastyrady. Árbír beıíndí memlekettík organda jáne áleuettí qauíptí bıologıyalyq obektílerde bıologıyalyq qaterlerdí basqaru júıesín engízu ınfektsıyalyq aurulardyń qauíptí qozdyrǵyshtarymen qyzmettí tolyqqandy esepke aludy jáne baqylaudy qamtamasyz etuge múmkíndík beredí.