Almatyda «Taza Qazaqstan» respýblıkalyq aksıasy aıasynda alǵashqy ekologıalyq hab ashyldy, dep habarlaıdy almaty-akshamy.kz
Eko-hab qalaǵan adam kele alatyn kreatıvti keńistik bazasynda ashyldy. Kelýshiler plasıkalyq ydystar, sýsabyndardyń bosaǵan qutylaryn, shyny bótelkelerdi ákele alady.Osy qaldyqtardan hosh ıisti shyraq, ystyq taǵam astyna qoıylatyn zat, Almatynyń sımvoly alma túrinde jasalǵan qabyrǵa saǵaty syndy sývenırler jasalady.
Kreatıvti eko-habty qurýshylardyń oıynsha, mundaı izgi shara qoqysty mindetti túrde bólý jáne qorshaǵan ortaǵa uqypty qaraý qundylyqtary mádenıetin qalyptastyrýǵa yqpal etedi.
«Eko-habtyń ıdeıasy Almatyda ekologıalyq jobalar úshin alań berý bolyp tabylady. Biz ekologıaǵa erekshe mán beretinderdiń bir jerde jınalýyna múmkindik beremiz. Basqa qabyldaý oryndarynan aıyrmashylyǵy, munda tek qoqys qala ákelinbeıdi, sonymen qatar plasıkten nemese shyny bótelkeler qaldyqtarynan túrli shyraqtar, saǵat jasaýǵa bolady. Ol úshin qoqysty óńdeıtin qurylǵylardy satyp aldyq. Bul jer qoqysty qajet buıymǵa aınaldyratyn, jasalǵan ádemi zatty úıińizge aparyp qoıýǵa bolatyn oryn», - dep atap ótti Eco Network jobasynyń jetekshisi Evgenıı Muhamedjanov.
Eko-habta ekologıalyq ónim óndirýmen aınalysatyn kásipkerler men startaperlerdiń ónimderi usynylǵan. Mysaly, keıbireýler úı ósimdikterine organıkalyq tyńaıtqyshtar shyǵarady, basqalary - eldegi alǵashqy jáne jalǵyz eko-hımıa, basqalary - janýarlarǵa arnalǵan bıologıalyq qospalar.
Budan basqa, ekologıalyq ortalyqta turaqty negizde qaıta shıkizattan buıymdar jasaý boıynsha oqytý dáristeri, eko-saǵattar, tımbıldıngter jáne master-klastar ótkiziletin bolady.