Memlekettik akademıalyq sımfonıalyq orkestri alǵash ret «XX22» atty mýzykalyq festıvalin kórermenderge usyndy. Óner ordasy álemde analogy joq bul festıváldi jyl saıyn ótkizýdi josparlap otyr.
Merekelik is-sharada «HH ǵasyrdyń kirispesi» bolatyn birinshi bóligi usynyldy, onda XIX-XX ǵasyrlar toǵysynda jazylǵan sımfonıalyq shyǵarmalar oryndaldy. Gýstav Maler, Rıhard Shtraýs sıaqty kompozıtorlar ózderiniń sımfonıalyq shyǵarmalarynda postromantızmniń shekarasyn keńeıte tústi.
Festıvál óz tyńdarmandaryna Qazaqstannyń daryndy mýzykanttary jáne álemdik deńgeıde attary tanymal Erjan Kýlıbaev, Graf Mýrja, Mıhaıl Kırhgoff syndy arnaıy shaqyrylǵan qonaqtardyń oryndaýshylyq óneri arqyly kórnekti kompozıtorlardyń shyǵarmashylyq álemine enýge múmkindik berdi.
«Aldaǵy jyldary jeke oryndaýshylardan bólek, iri ujymdardy da shaqyrý josparymyzda bar. Almaty turǵyndary men qonaqtaryn ǵana emes, álemniń túkpir-túkpirinen kelgen mýzykanttardyń basyn biriktiretin mańyzdy oqıǵa boldy», - deıdi teatr ujymy.