5 maýsymda Konstıtýsıaǵa ózgerister men tolyqtyrýlar qabyldaý máselesi boıynsha respýblıkalyq referendým ótedi. Qoldanystaǵy negizgi zańǵa engiziletin ózgerister qoldanystaǵy 31 bapqa túzetýlerdi jáne Konstıtýsıany eki jańa bappen tolyqtyrýdy qamtıdy jáne qoldanystaǵy saıası modeldi túbegeıli ózgertýge baǵyttalǵan.
Úgit-nasıhat kezeńiniń bastalýymen birge, qazaqstandyqtardyń aldaǵy respýblıkalyq referendýmǵa degen kózqarasy, qoǵamdyq pikir únemi saralanyp otyrady. QR Prezıdenti janyndaǵy Ortalyq komýnıkasıalar qyzmeti ótkizgen sońǵy áleýmettik onlaın-saýalnama nátıjeleri Prezıdent Qasym-Jomart Toqaevtyń el Konstıtýsıasyna túzetýler engizý boıynsha referendým ótkizý týraly ıdeıasyn qoldaý deńgeıiniń artqanyn kórsetti.
Saýalnamaǵa qatysqan qazaqstandyqtardyń 78,52%-y referendým bıylǵy jyldyń 5 maýsymynda ótetinin biledi, al qazaqstandyqtardyń 72,01%-y referendým ótkizý ıdeıasyn qoldaıdy. Bul rette qazaqstandyqtardyń shamamen 68,92%-y daýys berýge barýdy josparlap otyr. Óz tańdaýyn áli aıqyndamaǵandar – 21,79%. Referendým týraly habardar bolý kórsetkishteri 7%-ǵa, kelý nıetiniń kórsetkishteri 2%-dan astam ósti.
Áleýmettik zertteýdi 17-19 mamyrda QR Prezıdenti janyndaǵy Ortalyq komýnıkasıalar qyzmeti onlaın-saýalnama ádisimen júrgizildi. İriktemege 18 jasqa tolǵan jáne odan asqan 4000 respondent alyndy.
Saýalnama oryndary retinde Nur-Sultan, Almaty, Shymkent qalalary jáne eldiń 14 oblysy tańdaldy. Eske salsaq, buǵan deıin referendým ótkizý týraly ıdeıany qoldaýdyń joǵary deńgeıi QR Prezıdenti janyndaǵy Ortalyq komýnıkasıalar qyzmeti – 62%-dan 73%-ǵa deıin (3-5 mamyr), QR Prezıdenti janyndaǵy Qazaqstan strategıalyq zertteýler ınstıtýty (5-10 mamyr) júrgizgen saýalnama nátıjelerimen rastalǵan bolatyn, onda qazaqstandyqtardyń 76,40%-y túzetýlerdi qoldaǵan, sondaı-aq «Qoǵamdyq pikir» ınstıtýty» (3-5 mamyr) júrgzigen saýalnama nátıjeleri ony qazaqstandyqtardyń 73,33%-y qoldaıtynyn kórsetti.