Bıylǵy jartyjyldyqta áleýmettik mańyzy bar taýarlardy satatyn úsh júzge jýyq deldal anyqtalyp, joıyldy
Bul sharany Saýda jáne ıntegrasıa mınıstrligi jemis-kókónis ónimderine baǵanyń ósýine jol bermeý maqsatynda júrgizdi. Jalpy, 2023 jyldyń 6 aıynda óńirlik komısıalardyń 995 otyrysy ótti, onyń nátıjeleri boıynsha 298 ónimsiz deldal joıyldy.
«Birinshi jartyjyldyqta baǵanyń maýsymdyq ósýin tejeýdiń qoldanystaǵy tetikteri sheńberinde aldyn ala qalyptasqan qorlardan alynǵan kókónister naryqqa jiberildi. Maýsymaralyq kezeńde mundaı qorlardyń jalpy kólemi 139,4 myń tonna kókónisti (kartop, sábiz, pıaz, qyryqqabat) qurady, olar maýsymdyq baǵanyń aýytqýyn boldyrmaý úshin ındıkatıvti baǵamen naryqqa shyǵaryldy», - dep málimdedi vedomstvodan.
Mınıstrlik kókónisterdiń tapshylyǵyn boldyrmaý maqsatynda taýar balansyn aı saıyn qalyptastyrý jáne taldaý boıynsha jumys júrgizedi, elektrondyq shot-faktýralarǵa turaqty taldaý jasaıdy, deldaldyq sqemalardy anyqtaý jáne joıý úshin esep aıyrysý rásimderiniń ashyqtyǵyn arttyrý boıynsha jumys bastaldy.
Jergilikti atqarýshy organdarmen barlyq áleýmettik mańyzy bar azyq-túlik taýarlaryna ındıkatıvtik baǵalar ázirlendi jáne kelisildi; otandyq óndirýshini ımporttyq ónimniń dempıńinen qorǵaý úshin shetelden ákelinetin ÁMAT-tyń eń tómengi kóterme baǵasyn belgileý tetigi engizildi.