WhatsApp messendjerindegi tasqynnan zardap shekken adam retinde kómek surap jazylǵan árbir úshinshi hat - alaıaqtardyń áreketi.
Soltústik Qazaqstan oblysy polısıa departamentiniń mamandary osylaı dep málimdedi. Sebebi halyq qarasy kóp alty chattan úsh kúnde 50 shaqty feık habarlama anyqtalǵan, dep habarlaıdy almaty-akshamy.kz.
Polısıa qyzmetkerleri bul hattardyń alaıaqtardyń qıturqy áreketi ekenin anyqtaǵan boıda avtorlardyń telefon nómirin buǵattap, hattardyń kózin joıǵan. Álgi hattardyń ádette mazmuny bir bolady. Qarjylaı kómek suraǵan ótinishpen qosa, bank rekvızıtteri kórsetiledi. Sondyqtan tártip saqshylary qyraǵylyq tanytyp, kúdik týdyrǵan hattarǵa mán bermeýdi suraıdy.