Kún jylyǵan saıyn ınfeksıanyń túrleri kóbeıe túsedi
QR Densaýlyq saqtaý vıse-mınıstri - Bas memlekettik sanıtarlyq dárigeri Aıjan Esmaǵambetova jumys saparymen Atyraý oblysyna bardy, dep habarlaıdy almaty-akshamy.kz.
QR Densaýlyq saqtaý vıse-mınıstri bir aýysymda 250 pasıentti qabyldaı alatyn Jylyoı aýdandyq emhanasyna, 75 oryndyq modýldi aýrýhana men 150 oryndyq aýdandyq aýrýhanaǵa, Qulsary qalasynda ornalasqan evakýasıalyq pýnktke bardy.
Ol medısınalyq uıymdardyń materıaldyq-tehnıkalyq jabdyqtarymen, epıdemıologıalyq ahýalymen tanysyp, dárigerlermen jáne pasıenttermen áńgimelesti.
Atyraý oblystyq densaýlyq saqtaý basqarmasynyń basshysy Qaısar Abdalıev óńirdegi ahýalmen tanystyrdy.
«Qulsary qalasy, Qosshaǵyl eldi-mekeni, Jańa Qaraton poselkasynda evakýasıalanǵan turǵyndarǵa tıisti medısınalyq kómek kórsetilip jatyr. Al shuǵyl ota qajet etetin pasıentter men júkti áıelderdi bosanýǵa Beıneý aýdandyq aýrýhanasyna joldanýda. Aýdanda jalpy oblys boıynsha sý basýǵa ushyraǵan densaýlyq saqtaý nysandary joq», - dedi Qaısar Abdalıev.
Evakaýasıalyq pýnktpen medısınalyq mekemelerde bolǵan Aıjan Esmaǵambetova lastanǵan sýdan paıda bolatyn ınfeksıalyq aýrýlardyń aldyn alý úshin birqatar usynystar tastady.
«Aýdandy sýdan tazalaıtyn tehnıkanyń sanyn kóbeıtý qajet. Sebebi aýa temperatýrasy joǵarylaǵan saıyn ınfeksıalyq túrli aýrýlar paıda bolýy múmkin. Turǵyndarǵa túsindirý jumystary júrgizilip, ınfeksıalyq aýrýlarǵa qarsy alynýy tıis vaksınasıalaý týraly aqparat berý kerek», - dedi Aıjan Esmaǵambetova.
Búgingi tańda barlyq medısınalyq uıymdarda sý basqan eldi mekenderde medısınalyq alǵashqy kómek kórsetý jónindegi is-sharalar jospary, sý tasqyny kezeńinde tótenshe jaǵdaılardyń aldyn alý jáne olardyń saldaryn joıý jónindegi jospary ázirlendi.