Belsendi azamat qoǵamdaǵy túrli kemshilikterdi kóterip, olardyń sheshilýine úles qosyp keledi
Áleýmettik jeli belsendisi Asqar Aıdarbekov Túlkibas aýdanyndaǵy Sastóbe aýylynyń ákimi bolyp saılandy, dep habarlaıdy Almaty-akshamy.kz QazAqparatqa silteme jasap.
Jeksenbi kúni ótken saılaýda daýys berýshilerge eki kandıdat usynyldy. Biri – osy aýyldyń buǵan deıingi ákimi Sultan Paızalıev, ekinshisi – Asqar Aıdarbekov. Saılaýshylardyń basym bóligi Asqar Aıdarbekovti qoldap daýys bergen. Al, búgin aýdandyq saılaý komısıasynyń tóraǵasy E. Qarataev pen aýdan ákiminiń orynbasary E. Ormanov jańa ákimge kýáligin tabys etti.
«Daýys berý úsh ýchaskede ótti. Onyń bireýinde qarsylasym basym tústi. Al, qalǵan ekeýinde men jeńiske jettim. Endi alda úlken jumystar kútip tur. Saılaýaldy baǵdarlamama sáıkes aýyldy gúldendirý maqsatynda jumys isteımin. Saılaýshylardyń maǵan artqan senimin aqtaý úshin aıanbaı ter tógip, elimizdiń ósip-órkendeý jolynda bar kúsh-jigerimdi jumsaımyn!» - deıdi ol.
Saılaýaldy baǵdarlamasyna sáıkes, aýyl ákimi jańa mektep pen aýrýhana salý, qırap turǵan turǵyn úılerdi buzý, kósheler men joldardy kútip ustaý, eldi mekenderdi abattandyrý, sanıtarlyq tazalyqty qamtamasyz etý sekildi jumystardy atqarýdy josparlap otyr.
Aıta ketsek, Asqar Aıdarbekovtiń esimi kópshilikke áleýmettik jeli arqyly jaqsy tanys. Belsendi azamat qoǵamdaǵy túrli kemshilikterdi kóterip, olardyń sheshilýine úles qosyp keledi. 2016-2021 jyldar aralyǵynda Túlkibas aýdandyq máslıhaty Vİ shaqyrylymynyń depýtaty boldy. Jeke kompanıalarda zańger qyzmetin atqardy. Sh. Murtaza atyndaǵy qaıyrymdylyq qordyń menedjeri bolyp eńbek etti.